鍾菜 (已結業)

位置系返工地方，正常假期应该少人d，但最后几乎坐满。入到去环境可以，服务态度ok，茶有6款，我地拣左宫廷普洱，菊花罗汉果同翠芽龙井。中菜任食方面，每位送一只炆鲍鱼，乳鸽同半边蒜蓉蒸龙虾。鲍鱼普通，乳鸽同龙虾都ok，如果龙虾每位送1只更理想。任食小菜可以推介既有宫保虾球，冰镇咕噜肉，葱爆牛柳粒，花菇扣玉掌等，其他都普通。至于差既系烤夫硬身，颜色又暗淡；四季豆又黄，两样都似系翻整过咁；烧味唔好食；卡通包扮Minions，但好丑样🤣，味道都一般。饭后甜品系芒果西米露，无咩特别。总括而言，咁既价钱系可以一试。之前睇其他人既食评话食剩唔俾人拎走，但我见其他枱都系任食既，个个一袋二袋，自备外卖盒，满载而归。不过无所谓啦，食得开心拎得开心就ok。埋单九折假日每位盛惠278。