名人私房菜 (已搬遷) 新店位置

之前系openrice见依间私房菜既评价都唔错，所以预早book位庆祝屋企人生日~ 我地四个人食，安排狂一间独立细房，房内有电视睇，都算唔错~ 菜单包括大白菜猪肺汤，花雕蛋白蒸蟹，黄金虾，蒸海班，鲜鱼汤什菌，苹果咕噜肉，金银蒜粉丝蒸扇贝及甜品鲤鱼芒果布丁~ 菜汤味道清甜，汤料充足，有住家汤既感觉~ 蒸蟹既花雕味比较重，可以减返少少会好d， 而蟹都几大只，有少少鲜味~ 黄金虾既虾我觉得细只左少少，唔够弹牙，而且蛋黄比较多，稍咸~ 海班味道都ok， 但鱼唔知系未蒸过左头，有d老冇弹性唔够滑~ 鱼汤什菌就冇咩特别，鱼汤味浓多少少更好~ 苹果咕噜肉味道唔错，食入口唔太腻~ 蒸扇贝味道几好，带鲜味又大只，而粉丝都好好味，不过豉油多左少少~ 布丁味道一般， 如果芒果味重d或有芒果肉会较好食~ 总括黎讲，以依个价钱食私房菜都算ok，但味道同预期有少少差距~