金華冰廳

营业中

休息中

每次假日经过金华都见佢大排人龙买菠萝包，听闻好好食，今日经过无人排队，决定买一个试下。阿姐一早已经将一个个菠萝包入好纸袋，一买，佢就会即刻递比你。有好有唔好啦，好既咪快啰，唔好就系菠萝包个皮会淋左啲啰。不过生意可能太好，咁样做系会快啲既~但顾客既角度，宁愿等多阵。攞上手，已经唔暖，相信已经出左炉一段时间。一咬落去，菠萝皮只可以话微脆，有牛油味。个包好重身，唔似食左阵风既感觉，但唔系好香。只可以话好饱肚，好足料。以佢既人气，未至于令人一试难忘。但呢个时势，佢仲系卖紧6蚊，已经好难得，系抵食既，但唔算好食。