包包傾老趙越南餐廳 (已結業)

越南嘢一向都like, 尤其系汤河，汤底通常清甜。今次晚饭就唔食汤河啰~水晶虾米纸卷 - 食落够fresh, 除咗两只虾仁，饭同米粉，仲有啲肉碎，生菜呀咁。醮埋个辣酱就更醒胃。炸虾饼 - 都几juicy, 虾肉较食过其他食肆松软，尚可。蟹肉焗蛋金砖 - 食唔出蟹肉or蟹味，麻麻。香草虾膏蟹肉炒饭 - 伏之选。味道带啲虾膏嘅咸香叫还可以，但完全食唔出蟹肉或蟹味；炒得尚算干身但饭粒本身太林。食唔出任何蟹味蟹肉好失望。椒盐软壳蟹 - 攞番唔少分数。外层椒盐够味，里面juicy嫩滑亦够肉，推介。青柠梳打 - 椰青卖晒可惜，嚟个青柠梳打fresh一fresh佢。后记： 食物水平只系尚可，唔驶加一都可算卖点之一；服务唔错，环境整洁。