影片
更多
2017-03-08
4302 浏览
一向揾食店喺唔会追「星」，对米芝莲嘅封号虽未至不肖一顾，但绝对唔会放上心，唔喺睇佢唔起，只喺觉得随遇而安，毋须太过刻意。遇啱有兴趣嘅，亦会去试试，就好似早前到访嘅Upper Modern Bistro（曾摘一星），但今回所到访嘅MIC Kitchen（连续4年一星，2014-2017），其实唔喺因为佢摘咗星，亦唔喺佢喺厨魔梁经伦嘅餐厅，纯因睇过啲食评，介绍点样中（酱）料西用，觉得好奇，所以，趁周末得闲，同老婆过嚟食餐午饭。MIC Kitchen嘅背景就唔多讲，但有一点不得不提，虽然喺由本地分子料理大师厨魔梁经伦经营，但如果你打算一尝分子料理，嚟依道就会让你几失望，因为分子料理唔喺主打，除一道招牌「小笼包」，其他都唔喺分子料理，反而，采用多种中式酱料入馔嚟做西菜，极之充满惊喜。一踏入餐厅，感觉摩登阔落，无咩标志性装潢，但简洁、楼底高，所以空间感强；除二、四人散座，一列吧位好适合只嚟饮嘢嘅朋友，而所以座椅都喺真皮椅，孤位啱啱好，非常舒适好坐。入座时，经理会为你拉櫈安排就坐，而餐具、餐巾整齐排列好，一切准备就绪，此刻，佢亦会为你打开餐巾，贴心嘅服务由此起。虽然跟魔厨嘅总坛Bo Innovat
MIC Kitchen嘅背景就唔多讲，但有一点不得不提，虽然喺由本地分子料理大师厨魔梁经伦经营，但如果你打算一尝分子料理，嚟依道就会让你几失望，因为分子料理唔喺主打，除一道招牌「小笼包」，其他都唔喺分子料理，反而，采用多种中式酱料入馔嚟做西菜，极之充满惊喜。
一踏入餐厅，感觉摩登阔落，无咩标志性装潢，但简洁、楼底高，所以空间感强；除二、四人散座，一列吧位好适合只嚟饮嘢嘅朋友，而所以座椅都喺真皮椅，孤位啱啱好，非常舒适好坐。
入座时，经理会为你拉櫈安排就坐，而餐具、餐巾整齐排列好，一切准备就绪，此刻，佢亦会为你打开餐巾，贴心嘅服务由此起。
虽然跟魔厨嘅总坛Bo Innovation有级别之分，并且位处工厂区，但定价都唔算好亲民，餐厅只卖套餐，无散点，3道菜午餐（头盘、主菜及甜品）基本价喺$248，但当中有唔少前头盘或主菜都需要另外加钱，更有多款伴菜供额外加选，亦唔包餐饮，故想食得特别啲，又叹杯咖啡，埋单个人计$300、$400好闲事。
此外，另有一张是日推介，包含三款前菜及两款主菜，全部都喺需额外加钱嘅选项。
自家制面包篮点菜后，自然喺送上面包篮，一篮有4个小圆包，4个都喺唔同口味，酸种面包、全麦面包、芝麻软包及迷你法包，各有特色，全部拿上手都喺暖嘅；
不过，要数到惊喜，涂面包个酱就真喺无限过瘾，自家调制加入潮州榄菜嘅蛋黄酱，咸咸香香，味道有种似软身嘅芝士，但𠮶朕咸味又有份沉实，的确风味独特且别出心裁。
头盘基本上有5款，其中一款喺汤品，而有两款需额外加钱，我哋就拣咗毋须加钱嘅凯撒沙律及蕃茄拼盘。
Demon Caesar（凯撒沙律配虾酱汁绍兴酒腌蚬肉）(Romaine Heart, Shangri-La Yaks Milk Cheese Toast, “Shaoxing” Marinated Clams, Shrimp Floss)
沙律部份简单只采用罗马生菜心嚟做，而且，无一般沙律菜咁轧到细碎，反而保留番大大颗，淋上混入虾酱做嘅酱汁，生菜新鲜爽脆，咬落嗦嗦声，咸香嘅虾酱汁咸虾味唔会好重，感觉有少少蓝芝士所做嘅酱汁，非常有趣；羊奶芝士多士脆口香浓，就咁食会唔觉特别，搭粒经绍兴酒腌过嘅蚬肉，咁先产生到化学作用，微微嘅绍兴酒香引发羊奶芝士嘅膻香，有种相辅相成嘅感觉。
Demon Caesar（凯撒沙律配虾酱汁绍兴酒腌蚬肉）
93 浏览
1 赞好
0 留言
Tomato（红菜头羊奶芝士“八珍”桂花醋伴蕃茄）(Beetroot, Goat Cheese Foam, “Pat Chun”, “Lam Kok”, Osmanthus, Ginger)
每道菜上枱，经理都会细心讲解一下，包括有咩食材，个菜嘅亮点喺咩，睇见啲色彩缤纷嘅蕃茄，唔使讲就知重点喺咩，共有5款有机蕃茄，衬埋一齐非常养眼，卖相已先拔头筹。虽然经理讲过有咩种类嘅蕃茄，但实在讲得快，小弟亦无太有心装载。老婆偏向食素及少油脂嘅嘢，所以，依道头盘专登拣俾佢，佢亦超钟意，好睇之余，仲话好好食，啲蕃茄鲜甜得紧要，糁咗少少榄角所做嘅粉末，再沾沾红菜头汁，又或衬羊奶芝士泡沫，同样协调和谐；而中间原粒温室红蕃茄，经理建议原粒咬，小弟就无福消受，老婆话有种好醇香嘅甜蜜味，原来就喺以八珍甜醋、桂花、点点姜汁去慢煮，醇香味渗入蕃茄其中，真有意思。
Tomato（红菜头羊奶芝士“八珍”桂花醋伴蕃茄）
98 浏览
2 赞好
0 留言
主菜边面共有8款选择，其中3款更喺店家嘅招牌菜，8款中有5款喺额外加钱嘅选择，而我哋所拣嘅鲈鱼及意大利饭同样需要加钱。顺带一提，上菜嘅服务做足星级要求，无论头盘，还是到主菜都喺同步呈上，而且，亦记住边位客人喺点边道菜，不过，落嚟嘅主菜我哋讲明喺一齐共享，所以，醒目咁为我哋摆上细碟，唔使再多口要求。
Chilean Sea Bass（烤智利鲈鱼配云南火腿汁） +$48(Squash, Pesto, Baby Carrot, "Yunan Ham")
主菜中，为老婆拣嚟清清哋嘅烤鲈鱼，初时第一眼望落去以为鲈鱼底下喺啲饭嚟，经理讲解完，再望真啲，原来喺薏米，揾香草酱煮过，口感烟韧，非常有咬口，而且，薏米健康有益，如果做盲测，有可能误以为依道喺个意大利饭呀！
Chilean Sea Bass（烤智利鲈鱼配云南火腿汁）
79 浏览
1 赞好
0 留言
话清清哋，其实件鲈鱼煎得十分香口，啲鱼肉嫩滑到呢……好似做咗保湿，极之水嫩，配上云南火腿汁，个汁就有预期到个味道会喺点，但就令鱼肉嘅鲜味更突出。
Laksa Risotto（喇沙海鲜意大利饭配虾米松） +$58(Acquerello, Hokkaido Scallop, Seafood, "Har Mi" Floss)
经理介绍时，话佢哋采用正宗陈年嘅意大利米嚟煮，小弟真喺见识少，未谂过米都有陈年嘅，净喺识新米旧米，而且，意大利米陈年唔喺咩出奇嘅事，更可以陈到七年真，咁陈咁耐做乜？原来喺可以令米香更浓，真喺又长知识了！但咁讲，要食到米有几香，我就觉得食白饭先试真到，加入咗喇沙汁，点都有影响，试唔真。
Laksa Risotto（喇沙海鲜意大利饭配虾米松）
76 浏览
2 赞好
0 留言
讲番个饭，喺唔喺米香啲就讲唔到，但口感极佳，烟韧有嚼劲，个汁令到啲饭湿润得嚟唔会水汪汪，黏度啱啱好，而且香料味好有层次；海鲜除有大大粒，又爽弹且鲜味嘅带子外，仲有几小片鲈鱼及大蚬，鲈鱼煎得香口柔嫩，蚬肉鲜甜无沙，样样都做到恰到好处，整体喺一道水准极高嘅意大利饭。
Daily Dessert（红酒烩梨）最后，以一道法式甜点作结，往常暖暖和和嘅 红酒烩梨都以云呢嗱雪糕作伴，但MIC就改用轻怡版嘅忌廉芝士嚟衬佢，面面再洒下烘得脆脆嘅红莓干，更采用旧式嘅中式茶杯嚟盛载，梨肉晌忌廉芝士衬托下，更清甜，口感软绵，又渗出微微酒香，成件事处理得好细致。
红枣桂圆茶 $50老婆一向喜欢滋润、保健嘅饮品，睇色泽就知杯嘢唔流，入口红枣、桂圆味都突出而平衡，而且，甜度啱啱好，又感觉自然。虽然杯桂圆茶卖到成$50杯，感觉绝对喺偏贵，但至紧要佢钟意啫，反而我杯咖啡又唔贵㖞。
鲜奶咖啡 $28其实，有好几次用餐后都后悔点鲜奶咖啡，因为有唔少西餐厅虽然有供应，但大多数唔喺机冲，就喺手势麻麻，点都唔及啲咖啡店。今次都喺，只因惯性，顺口一句「鲜奶咖啡吖，唔该」。眼前嘅鲜奶咖啡明显就喺机冲，只可以讲喺浓缩咖啡+奶泡，所以，一定要自行搅匀先饮得。饮落仍会有醇香嘅啡味，就算机冲，豆都喺即磨，只要啲豆嘅质素唔差，不过，口感就唔均衡，因为点搅都唔及将奶泡由高位撞落啲浓缩咖啡所冲出嚟嘅效果。
如果喜欢饮汽酒或餐酒嘅朋友就啱喇，因为餐厅提供任饮优惠，前者$198一位，后者就$138一位。
总括讲句，MIC环境高雅有格调，服务够晒贴心，经理对菜式暸如指掌，又不时同你倾两句，交流吓心得。虽然都喺食西餐，菜式以欧陆菜为主，但正因加入不少中式酱料，如虾酱、绍兴酒、桂花醋、云南火腿……等等，又用上唔同地方嘅靓食材，视觉及味觉均带来很多惊喜，让人耳目一新却唔会不伦不类，点可以唔推荐呀！
张贴
