富臨皇宮 (已結業)

同肥仔睇完戏都已经成8点，问佢想食咩佢又话唔知，咁我地就坐车返左上水先，返到去都夜，最终又去左酒楼食少少算数~入到去坐低后就见到酒楼推出宵夜先有得食既韩式部队锅，心谂真系几得意，明明系中菜餐厅又何解会有韩国食物，系好奇心下就叫左个试试侍应送来后同张菜牌上既相一模一样！个锅入面有虾蟹、午餐肉、肠仔、墨鱼、年糕、青口同菜等，份量都好足，虽然同韩国既部队锅系有D出入，不过我就更钟意呢个改良版本讲吓海鲜先，食落味道鲜甜多汁，肉质爽弹，很是美味，而午餐肉更是怀旧的大大罐个种既午餐肉，好有口感之余更带有浓香的猪肉味，一个字，而汤汁就是韩国个种微辣中带点微甜的泡菜味，很是野味，加埋海鲜一齐食真系好夹，另外跟锅仲送一碟肥牛，整体都算OK抵食！