影片
更多
2016-01-23
2411 浏览
初时朋友约食土耳其私房菜，第一眼望个地址感觉都有啲面熟，原来就喺曾经到访过嘅「土耳其安塔利亚」，可能「安塔利亚」实在无咩人识，索性用「伊斯坦堡 」令旗帜鲜明 。餐厅隐身晌旺角一幢商厦，跟上次嚟个环境变化唔大，装修简单，几张梳化椅，矮櫈，陈设家常，周围挂点富特色嘅彩布，贴满客人嘅即影即有照片，播著轻悠音乐，甚为住家，较大变化就喺以前嘅木枱，变为依家枱面铺上五颜六色嘅磁砖，缤纷富特色 。叫得私房菜，就梗喺唔使谂食啲乜，由大厨发办，务求食出惊喜。咁收费又点？$150-$350，预订时讲低人数，俾个预算老细，佢就自有安排，当然，最好你就讲声有咩唔食，减少尴尬机会。 土耳其咖啡依度饮品唔多，只有土耳其咖啡、红石榴茶及苹果茶，所以，我相信店主都唔介意你自携饮品。试试土耳其咖啡，原来会喺开炉即煮，煮完咖啡连渣直接倒入杯内，黝黑嘅「斋啡」味道较刚烈而带苦涩，鲜奶咖啡还是小弟心水。反而，盛载咖啡嘅银杯小巧高贵，雕花精致，更引人注意 。 红石榴茶朋友嘅红石榴喺即冲饮品，店主更俾个包装我哋睇睇。据介绍，红石榴好有营养价值，而味道酸酸甜甜，友人反而将焦点放晌杯中嘅「红宝石」茶匙之上。 田园沙律
餐厅隐身晌旺角一幢商厦，跟上次嚟个环境变化唔大，装修简单，几张梳化椅，矮櫈，陈设家常，周围挂点富特色嘅彩布，贴满客人嘅即影即有照片，播著轻悠音乐，甚为住家，较大变化就喺以前嘅木枱，变为依家枱面铺上五颜六色嘅磁砖，缤纷富特色 。
叫得私房菜，就梗喺唔使谂食啲乜，由大厨发办，务求食出惊喜。咁收费又点？$150-$350，预订时讲低人数，俾个预算老细，佢就自有安排，当然，最好你就讲声有咩唔食，减少尴尬机会。土耳其咖啡
依度饮品唔多，只有土耳其咖啡、红石榴茶及苹果茶，所以，我相信店主都唔介意你自携饮品。试试土耳其咖啡，原来会喺开炉即煮，煮完咖啡连渣直接倒入杯内，黝黑嘅「斋啡」味道较刚烈而带苦涩，鲜奶咖啡还是小弟心水。反而，盛载咖啡嘅银杯小巧高贵，雕花精致，更引人注意 。
红石榴茶朋友嘅红石榴喺即冲饮品，店主更俾个包装我哋睇睇。据介绍，红石榴好有营养价值，而味道酸酸甜甜，友人反而将焦点放晌杯中嘅「红宝石」茶匙之上。
田园沙律 简单以青瓜、蕃茄、紫洋葱、沙律菜伴点胡麻汁，入口鲜爽，但感觉较为和风。
炸茄子及薯仔薄片炸嘢一向深受港人欢迎，茄子及薯仔切成薄片香炸，香味十足，但效果有点油腻，而且，预期口感会喺带点脆，却喺偏腍，伴上嘅茄酱而非原本嘅自制乳酪酱，让人有少少失望。
土耳其乳酪芝士炸物拼盘 一客4件，各有唔同形状，依道就喺较具特色嘅乳酪芝士炸物。讲明自家制，所以外皮唔喺来货，而喺自家搓制嘅面粉皮， 外皮甘香，只喺略为厚身，带些微烟韧口感，内里填满乳酪芝士，几浓厚重味。
土耳其香草蕃茄烤鸡 店中嘅招牌菜，亦喺店东嘅家乡𩠌，鲜鸡用10多种香料腌透，酿入蕃茄米饭。烤鸡烘得金黄，香气四溢，一剪开鸡只，热气上腾，非常新鲜热辣；味道如何？皮脆肉嫩，又带点焦香，鸡肉腌得够入味，略嫌饭粒未够干身，否则更好食。上次仲会附上一小兜微酸嘅酸乳酪酱作佐料，今次则只伴少少胡麻酱在碟旁。
土耳其西式椒酿香草干果素菜饭 大大个红椒及黄椒酿入干果素菜饭，里面又喺填得满满，极饱肚嘅菜式。一个椒面唧上茄酱，另一个唧上乳酪酱，其实感觉有啲迤。还好喺菜式几清新，米饭又加上提子干、红葱碎，增加口感，如再加少少合桃碎、瓜子仁，相信仲美妙。
招牌巴东牛肉店主家人嘅另一家店卖印尼菜有道招牌巴东牛肉，不时也会放晌依边俾客人试试。牛肉色泽深沉，入口香料味浓郁，非常惹味嘅菜式，唯可惜质感有啲韧同埋干。
沙嗲鸡肉串烧 亦喺印尼菜𠮶边嘅另一撚手菜式，鸡肉烤得焦香，咪睇佢「乌捽捽」，皆因又喺用上多种腌料，香味有层次，鸡肉亦好松软，好食 。
甜品（土耳其棉花糖、芒果雪糕、土耳其软糖） 以大银盘登场，已经够晒特色，而甜品中嘅土耳其棉花糖及软糖，更喺有压轴、惊喜嘅感觉。
甜品（土耳其棉花糖、芒果雪糕、土耳其软糖）
58 浏览
0 赞好
0 留言
因为太想知佢喺点，所以，先试土耳其棉花糖，外貌有啲似龙须糖，不过质感完全喺两回事，拎上手好轻飘飘，但入口即溶，有点蜜糖香，但唔太甜，极之特别 。
芒果雪糕 以火龙果盛载芒果雪糕，趁未溶要快快食，雪糕嘅芒果味几清甜，当然，甜度又唔会好夸，软滑不俗。
土耳其软糖 软糖共有两款，细细粒有唔同颜色嘅喺土耳其水果软糖，而较大粒白蒙蒙嘅喺土耳其开心果软糖，确实味道喺偏甜，但烟烟韧韧，又有唔同味道，后者更有少少果仁香，一边嗒住当零食，一边继续同友人倾偈，几好架！
店内各式土耳其软糖亦设有零售，有兴趣可以直接向店主查询。
同店主倾谈之间，佢仲话搞咗个「平10蚊」嘅促销推广平台apps，虽然未喺好知乜嘢，总之，都望佢成功！
其实，土耳其菜喺食啲咩呢？晌网上搜寻一下，会喺啲面包、乳酪、烤肉（特别喺卡巴），又无酱不欢，好用香料做菜。今晚所食嘅菜式除乳酪芝士炸物、烤鸡外，未喺好完全体现出土菜嘅特色。卖相比较家庭，来来去去都喺蕃茄及青瓜片，酱料亦一喺胡麻，一喺就乳酪，同埋太多饭类嘢，据店主讲之前有客投诉食唔饱，故为怕待慢客人，菜式上加多少少米饭，依个都可以理解。作为尝一尝人哋嘅家乡菜，见识吓又无妨 。
张贴
