M Kitchen (已結業)

今日下午同妈咪，老豆去左千色汇的759入货后，行左去 M Kitchen , 见到d下午茶好抵食， 就座低食，由于我地三个人， 佢就帮我地分枱，咁我就好识做比妈咪老豆一齐座，我就自己一个座。老豆叫左咖喱牛腩伴脆米饼及饭+ 冻柠檬茶+辣肉酱伴法式多士。妈咪就叫左全日特色早餐 +冻柠檬茶+炸香草鸡翼。而我就叫左一份呢到好出名的熔岩芝士焗厚猪扒饭。我地每样都Share小小来食， 呢间餐厅食物有d水准㖞， 每样食物都好到位唔会过咸， 咖喱唔太辣，浓得来好香。鸡翼炸到唔错， 唔会过火， 内里仲系好滑。辣肉酱小小辣好惹味配上脆口多士好夹。熔岩芝士就劲正加上 咁大块扒仲要够淋掂呀！