星聚軒

营业中

休息中

次次出街食唔系日本野就西餐，有时侯都会想食中菜嘅，咁啱出开佐敦做野，今晚就一于约埋朋友一齐叹个中餐啦！嚟到星聚轩，呢度嘅装修比一般中菜馆企理，仲有两边卡位，我地四大一细坐得落，都算阔落👍🏻好喇，讲返野食先，今日人多少少，可以叫多个𩠌，但系我地一叫就唔只多两个𩠌，结果要咗五𩠌一汤😆首先讲下个龙皇杏白肺汤，肺汤呢回事，都系出街饮好，因为一谂起要洗就真系头痛，呢度嘅白肺汤，杏汁味出得嚟又唔会太浓，算易入口🥣然后就有星聚鸳鸯虾球，超级大嘅海虾分别用咗沙律芥末酱同柚子酱两款唔同口味嘅酱汁，只虾又大又爽口，正呀🍤再嚟就系黄金有米澳洲龙虾伴煎米粉，用上汤煮嘅约一斤四两重嘅澳洲龙虾再伴煎米粉，米粉吸收晒个上汤，非常入味，龙虾都算多肉🦞贵为食肉兽又点可以无肉呢，个秘制牛肋骨煮得入味之余又够淋，阿女今到lum lum脷🥩仲有个姬松茸辽参豆腐煲，呢个煲最惊喜嘅系个煲入面所有野都好好食，豆腐入味，辽参够淋，呢个煲系最快清晒嘅一个𩠌🍄呢个鲜支竹鱼腐浸时蔬，个鱼腐系呢度自家制嘅，出面一定食唔到，啲白菜又够新鲜，平均返晒全晚嘅𩠌菜🥬食完仲有桂花椰汁糕做甜品，又一个大满足嘅夜晚😋