Terrace in seaside (MOKO新世紀廣場)

营业中

休息中

最近去食晚餐，餐厅食物有水准有，咁啱有趣味十足嘅小活动，真系食玩一体，成个体验非常丰富！我哋叫咗少少芝士黑松露油薯条，做紧个挑战活动。活动只需要点叫一份薯条，再Follow佢哋嘅社交平台，就可以参加15秒刨芝士活动。当时攞住芝士刨，每秒都系紧张又兴奋！我努力咁刨咗15秒，成功将芝士铺满成碟薯条，顺利换领咗一杯「绿雪奶盖圣诞西柚绿茶」✌🏻芝士同黑松露油嘅香味完美结合，薯条炸得外脆内软，每一口都系浓郁嘅芝士香，加埋黑松露嘅高级气息，真系食到停唔到口。主菜方面，我哋点咗原味韩式奶油排骨锅。呢个排骨锅真系唔简单，奶油汤底浓郁香滑，排骨煮得入味，肉质腍身，啱啱好。另一道主菜系粒粒八爪鱼意大利炖饭。炖饭嘅米粒煮得软硬适中，配埋爽弹八爪鱼粒🐙好味。甜品不会爬烟囱的圣诞老人朱古力窝夫，个名好搞笑。唔单止造型精致，仲好啱打卡。朱古力窝夫外脆内软，配埋浓郁嘅朱古力酱，仲有圣诞老人造型嘅糖霜装饰，睇得又食得，俾人浓浓嘅节日气氛。