抹茶館 (荷里活廣場)

营业中

休息中

做完运动，一行14人大大细细去左抹茶馆食晚餐，贪佢有日式定食，拉面亦有精致甜品，应该可以满足所有人既口味。首先值得一赞系虽然我地有14个人，店员都好努力将7张细枱泊埋一齐，安排全部人可以坐埋一齐，唔需要分开坐。今次大部份人都系散点拉面或日式饭，我系唯一点定食既一个。我点左火灸三文鱼定食，我发现散叫同定食只差20蚊，但就多左汤，小食前茶同甜品，仲有饮品添。感觉上叫定食好似抵食好多😁前菜系牛蒡丝，小食系辣鸡肉，汤系日式洋葱汤；3样野都唔错几好味；但主食火灸三文鱼饭就有少少奇怪，三文鱼刺身系正常既，但却配上热辣辣既普通白米饭，唔系寿司饭。所以当我食既时候唔觉自己系食紧日式丼，感觉有少少怪怪地。因为食得太饱所以就冇再点甜品，下次一定要试试佢既甜品。