日本料理「和亭」 (已結業)

我好钟意食饭，之前只有吉X家早上至提供白饭，而加和亭都有啦！每次去日本旅行0的酒店食早餐，我都一定系拣食饭，因为日本米好好食。早上食饭真系会令你充满力量，又够饱肚。次次我都系食呢个三文鱼饭SET，件三文鱼都唔细架，煮得又唔会太干身，配埋白饭食真系好开胃。呢到0的白饭都采用日本米。呢个SET只系HK＄36，入面除左三文鱼同饭之外，仲有少少前菜，一件仔甜蛋，一份沙律，两件仔豆腐同埋一碗仔汤。每一样我都觉得几好食，唔会太花巧，啱哂一朝早食。呢到仲要有DRINK BAR比你自己整野饮，又多选择㖞！咖啡、奶茶、果汁、鲜柠檬片样样齐，仲要系免费兼无限添饮。星期一至五黎食真系好正，人唔算多，坐得舒服，0的人应该食完都要赶住返工，所以好快走。但我试过有一次星期六黎食，因太多人0既关系，食物迟左至送黎，食物量又少左，仲有0的冻。而DRINK BAR就唔够柸提供，我估应该系洗唔切。总之整体表现无平日咁好。