星巴克咖啡

营业中

休息中

今日同男朋友朝早系湾仔搞完d正事之后，去左Starbucks食早餐。叫左4款野食同2杯野饮，成为我地既丰富早餐。蘑菇西兰花烘蛋粟米包三文治都几大份，但食落冇咩味，比较淡口，属于健康既选择。辣鸡肉牛油果酱三文治既鸡肉只系微微辣，相对上一款比较有味道。鸡肉蘑菇批系最好食既一款。鸡肉同蘑菇好夹，调味唔错，加上松化既批皮，好食。粉红宝贝冬甩系新产品，原味冬甩上覆盖士多啤梨朱古力，有几粒白朱古力脆珠，卖相靓，食落就冇咩特别。朱古力咖啡正常水准。冰摇蜜桃啫喱绿茶唔错，几香茶味。