無敵家

营业中

休息中

两个人去上环食晚饭，发现一间隐世日本餐厅，首先叫咗小食一串「厚切牛舌串烧」，头先好软滑，即叫即烧，制作得非常好，做到外脆内软，好香牛嘅味道，极之推介。另外叫咗「花鱼一夜干」，亦都系即叫即做，热辣辣，烧过嘅鱼肉好香，但鱼肉仍然保留肉汁，好鲜味。之后嚟一个「安格斯牛肉寿喜锅」，原来系纸火锅，第一次试觉得好特别，竟然用只可以装住汤汁同埋配料，张纸烧好耐都唔会用溶，本来都惊啲汤汁会滚泻，原来啲汤汁一路挥发，牛肉煮完好入味，睇住过火，啱啱好一煮熟就即刻食，牛肉非常香滑，好新鲜，无筋，好易入口。煮食拣咗一碗「叉烧拉面」同埋一碗「猪软骨拉面」，汤底好香浓，拉面质感好好。总结，食完一餐好丰富好满足，下次会再来光顾。