有蒸氣 海鮮石鍋專門店 (已結業)

最近同朋友心血来潮想食海鲜，于是就揾左呢间系尖沙咀嘅蒸气海鲜餐厅食晚饭。餐厅系楼上铺，环境都颇大，又有卡位，坐得舒适。因为朋友唔食牛，所以我地叫左个海鲜餐，有足足六款海鲜，价钱$328一位都算系好合理。呢度嘅好处系除左混酱之外几乎都唔驶自己动手，每款𩠌都由店员帮我地放入蒸锅、计时、同分配俾我地，可以好懒之余亦唔驶担心食物未熟/太熟。食海鲜前首先有个黑松露蒸蛋，一打开锅盖已经有浓浓嘅黑松露味，而蛋又蒸得嫩滑，唔驶任何调味，净系品尝黑松露味就够。沙包蚬 竹串海中虾蚬肉鲜甜无沙粒，虾肉够结实大连鲍鱼鲍鱼肉质厚身，鲜味十足，另外仲有虫草花铺面。日本元贝元贝同样够鲜味，加上蒜蓉粉丝铺面，份外惹味。手剁猪肉丸墨鱼丸两粒丸都十分弹牙，果然系手打先做到嘅效果，而且蒸更加能锁住肉汁。姜葱鲜鱿鱼姜葱通常用来炒，但系今次清蒸同样够味，反而仲少了一份油腻，鱿鱼亦蒸得刚刚好，食落唔会太老。最后每次食蒸气锅当然唔少得蒜蓉蒸胜瓜，胜瓜入晒蒜蓉味，再吸收埋之前海鲜遗留落嚟嘅精华，食落特别鲜甜。食到呢度已经好饱，好彩我地一早就担心会太饱所以无叫粥底，反而试咗佢嘅鲜响螺竹丝鸡汤，汤底偏清淡，入面有好多响螺粒粒，都几足料。