麻神麻辣火鍋 (已結業)

夜麻麻星期六，去得街梗系夜啦~~~玩到饿我地去打边炉!呢间台湾开到黎香港的麻神，未食过，见我地几个人一于去食啦~可以食唔同野!估唔到咁夜都有人，仲要唔少.....坐低就话9:30后原来有75折，咁岩哂我地，听落好似几抵~睇到餐牌都好多野拣，种类好多，有打边炉必食的牛、猪，但亦有些比较少见的食物。先讲个火锅底，叫左个麻辣锅拼花胶鸡$268，一上台就好重麻味，劲香，至于个花胶鸡，超足料，好浓郁，饮左啖，超正，一定食饮。叫左好多野食，有牛颈脊$228、王子面$44、美国牛小排$188、特选老饕锅$118、炸竽头$58、菜拼盘$68、台湾水莲菜$88、果冻鸭血$88、脆肉脘$56、九菜饺$82。一黎真系成台都系食物，超夸张。推介老饕锅：内有牛筋、牛肚....超入味，满口麻香，仲炖得够腍，入口正。牛小排话系呢度招牌，食落似肥牛，但食落系好嫩滑，加埋麻辣汤底食，更惹味!果冻鸭血系必食之选，好少见有呢样野食，好特别，食落真系好滑好似JELLY，有惊喜~九菜饺都好味，因为超足料，皮薄多馅。最后一定要食个面，浸哂汁，同汤汁一齐入口，超满足。