Fûhn Express (已結業)

今日要去moko嘅一田超级市场买啲嘢买完啲嘢之后就揾个lunch食. 好耐冇去过呢个商场嘅food court食就一于入去兜个圈, 见到越南餐好似都ok就唔谂咁多喇, 试下啦!我叫咗特色牛汤粉, 当中包括生牛肉, 牛坑腩片, 牛柏叶, 手打牛丸, 牛筋片, 牛腩片. 钟意佢嘅配料系自己任加包括辣椒, 九层塔叶, 柑桔粒, 钟意食几多夹几多! 令汤底更加相得益彰更添味道! 牛肉片都几大块而且有口感充满牛香味, 另外𠮶个呢个粉，有超多𩠌, 爽口弹牙嘅牛丸同埋牛柏叶, 烟韧嘅牛筋片, 甚至食肉兽嘅至爱-牛坑腩片,都通通满足到!另外可以加钱就有两片虾饼这个虾饼与一般出面嘅唔同我姑出面嘅都系就咁买返嚟咋呢个好明显系食到一粒粒虾肉虾胶, 食落十分松软,弹牙, 另外唔会太油,炸得漂亮的金黄色,非常吸引.由于我最爱嘅菜式之一, 系越南菜, 所以系又偏爱的, 虽然佢系喺foodcourt但系都唔会失水准, 作为三心两意嘅朋友, 推介呢个特色牛汤粉俾大家!