WM Café & Bar (雅濤居購物商場)

营业中

休息中

今日约咗朋友去佢屋企楼下的WM Cafe食晚饭。呢间位于马鞍山嘅wm cafe 座位安排好阔落，大门有个开放式bar枱，对于渣车嘅客人黎讲好方便。主餐单唔算贵，套餐更系超值，所以我哋拣咗2人餐，贪佢够丰富。首先系忌廉龙虾汤，味道浓郁，配上香滑嘅忌廉，饮落去好满意。前菜系烟三文鱼凯撒沙律，搭配新鲜嘅沙律菜，口感清新。黑松露杂菌薄饼，薄饼底够薄脆，杂菌同松露味道融合得好好。三文鱼籽味噌松叶蟹配蟹肉意粉，意粉煮得刚刚好，蟹肉鲜甜，味噌酱提升咗整道菜嘅层次，好味。甜品方面，我哋拣咗雪糕配心太软同巴斯克芝士饼。雪糕滑溜溜，加埋心太软嘅香甜，一冷一热搭配无懈可击。巴斯克芝士饼唔会过甜，份量刚刚好，不错。服务方面，店员都几友善，尤其是带眼镜𠮶位小哥，态度亲切，令用餐感觉良好。