丸十日本食堂 (已結業)

最近睇报纸见到新都会广场原来系装左修，新增左好多唔同类型嘅食肆。今日趁有时间得闲就同朋友去一试究竟。朋友俾啲一间食肆嘅门面，同埋𥚃面嘅环境吸引左，就入咗去食日本野啦。一打开餐牌，佢系食丼饭，同埋其他日式料理为主，一于就样样都叫啲啦！北海丼 $118贪佢有几种唔同嘅刺身样样都食到一啲，刺身晶莹通透十分之新鲜，份量都绝对不少，米用上日本精米。味道方面，吞拿鱼腩蓉入口即溶，松叶蟹肉一梳梳，蟹味丰富，不错。澳洲和牛乌冬 $138用上了精选和牛，入口即溶，牛肉味浓郁。唔好睇佢好似好生咁，入口刚刚好。而乌冬方面汤底浓厚，配似流心鸡蛋。烧三文鱼头 $78烧到卜卜脆，非常香口，不太油腻，健康之选。鸡软骨饺子 $38形状同普通嘅饺子唔同，是棒形的，煎得十分香脆，内里松软。抺茶丸十芭菲 $78净系卖相都值得order了，绿茶味香浓，配上谷物脆，入口感觉非常特别。味道不太甜，感觉很好。