爆丼屋 (已搬遷) 新店位置

最近工作好忙，放工都唔想煮饭。今日喺旺角做嘢行过见到呢间爆丼屋，成日都好想食，因为见佢哋个Menu见到好大碗重量级嘅牛肉饭，好似好吸引咁。我同老公一人一个餐，叫咗呢个松叶蟹饭同埋重量级牛肉饭，拎返屋企分享😋因为佢价钱属于中上价钱，对佢地嘅质数都几期待，试咗之后，真系值回票价👍松叶蟹好鲜味好鲜甜，而且材料份量好足，完全唔会吝啬。吞拿鱼刺身茸一大份，配埋豉油Wasabi真系好正。另外𠮶个牛肉饭，牛肉烧得好软熟，牛味好香浓，佢哋调配嘅烧汁好香口，一啖一啖咁食唔停口。而且跟饭会有一个海鲜汤，入边有三文鱼，有虾，好多材料，味道好浓郁，算系好有诚意嘅餐汤。