影片
更多
2019-07-06
387 浏览
A hero is nothing but a product of his time, GOSH!!-终于有机会去到九龙城传说中既平民美食天堂，今次拣到呢间日本风味小店，店面企理干净，加埋墙上一幅幅漫画风壁画，色彩鲜明，天花以白色渔网装饰，几有心思，员工服务亦都好贴心，呵护备至，店铺以丼饭专门店命名，咁「丼饭」当然系必点之物啦！选择非常多，有一样必定要推荐就系呢到既「味噌汤」系任饮唔嬲既，每张枱都有一个高身保温瓶装住，我饮左成大壶呀！👇📌 蟹王丼 - $238👉 以大量新鲜甜美既熟蟹肉同埋带少少咸鲜味既三文鱼籽、火炙过既加拿大海胆同埋刻左字既玉子以一个楚河汉界做一个卖相，非常抢眼，份量系超级澎湃，大量青葱同鱼籽做衬托，饭粒好有咬口，成个饭既层次非常丰富，因为餐厅唔主张将醋加入饭粒里面，会建议将青柠汁榨落饭粒以达到更香境界！📌 海胆三文鱼籽丼 - $198👉 继王牌之后，呢个以海胆、三文鱼籽、鱼籽同埋原只鲜鸡蛋混合而成，卖相相当吸引！鸡蛋令到入口更加滑嫩，各类鱼籽鲜味出众，捞埋一齐食可以话系终极享受！📌 蒲烧鳗鱼 - $88 (半条)👉 作为一个鳗鱼迷，一定要嗌一份向餐厅致敬！白烧
-
终于有机会去到九龙城传说中既平民美食天堂，今次拣到呢间日本风味小店，
店面企理干净，加埋墙上一幅幅漫画风壁画，色彩鲜明，天花以白色渔网装饰，
几有心思，员工服务亦都好贴心，呵护备至，店铺以丼饭专门店命名，
咁「丼饭」当然系必点之物啦！选择非常多，有一样必定要推荐就系呢到既「味噌汤」
系任饮唔嬲既，每张枱都有一个高身保温瓶装住，我饮左成大壶呀！👇
📌 蟹王丼 - $238
👉 以大量新鲜甜美既熟蟹肉同埋带少少咸鲜味既
三文鱼籽、火炙过既加拿大海胆同埋刻左字既玉子
以一个楚河汉界做一个卖相，非常抢眼，
份量系超级澎湃，大量青葱同鱼籽做衬托，
饭粒好有咬口，成个饭既层次非常丰富，
因为餐厅唔主张将醋加入饭粒里面，
会建议将青柠汁榨落饭粒以达到更香境界！
📌 海胆三文鱼籽丼 - $198
👉 继王牌之后，呢个以海胆、三文鱼籽、
鱼籽同埋原只鲜鸡蛋混合而成，卖相相当吸引！
鸡蛋令到入口更加滑嫩，各类鱼籽鲜味出众，
捞埋一齐食可以话系终极享受！
📌 蒲烧鳗鱼 - $88 (半条)
👉 作为一个鳗鱼迷，一定要嗌一份向餐厅致敬！
白烧同蒲烧我会比较钟意蒲烧，
口味相对浓郁，今次呢个做到油脂分布平均，
半条份量相厚身，质感肥美，
完全食到鱼油果种香味，呢个必定要嗌！
📌 海胆天妇罗 - $68
👉 一块紫菜轻轻包住密麻麻既加拿大海胆，
沾上脆浆炸后仲保留到海胆既鲜味，
外层酥脆无比，只要轻轻点上海盐或萝卜丝已经
好够味，唔需要额外再过份调味，呢个就系原材料既
味道！最后埋单都系每人$250左右，
呢间高水准丼饭，绝对值得再试回味！
张贴
