豐鍋雞煲 (荔枝角道) (已結業)

今日收工后想食好野，醒起呢间位于深水埗荔枝角道既丰锅鸡煲。呢间丰锅鸡煲唔近港铁站，港铁站出黎要行一阵，不过门口都易揾。招牌鸡煲有四款，有麻辣，滋补，药膳等。我哋拣左养颜嘅滋补螺片花胶鸡煲半只。另外叫左肉类，丸类，菜同乌冬。火锅配料仲有海鲜，肉类，手工丸/滑/饺类，同其他常见火锅配料，当然仲有蔬菜同小食。滋补螺片花胶鸡煲 (半只) $218 另加一滋补螺片花胶鸡煲真材实料，足足有六块花胶，六块螺片，同半只鸡。当鸡汤滚起，服务员就帮你成碟螺片花胶鸡落落汤度，漏斗漏完就食得，大概5分钟左右，好方便快捷。建议先饮啖汤，个鸡汤好清甜又唔油，感觉超健康。花胶绝不斯场，虽然唔系厚身，不过都唔会薄得可怜，咬落爽口。螺片有咬口又鲜味。鸡有鸡味，肉质又嫩，鸡皮弹牙。其他汤料仲有红枣同杞子，好滋补。顶级安格斯牛小排 （小） $188 另加一顶级安格斯牛小排 油花平均，好靓，仲有伴碟花添。牛小排一共有15块，食落非常嫩口，牛味适中而完全唔肥。好食。手工四宝丸 $88 另加一手工四宝丸包括虾丸，墨鱼丸，黑墨丸，同鲮鱼丸各两粒，全部都有蟹籽喺上面，再用一块生菜垫底。全部丸都明显手打出黎，超弹牙。虾丸带好香嘅虾味。