紅茶冰室

营业中

休息中

喺好耐之前，有次去食午餐，碟饭嚟到，小朋友唔小心拨一拨，搞到碟饭未放低就已经跌咗落地，楼面系有立刻清洁，我哋都觉得非常之唔好意思，同清洁嘅姨姨讲唔好意思！不过，正路嚟讲，我以为佢哋会比𠮶一碟饭我，但系结果等咗好耐都冇嚟，于是我就问返职员啦….佢哋哇系因为我整跌而唔系佢哋嘅问题，所以唔会再做一份，加上单已经出咗，最后亦都照收钱，我觉得个感觉好差，劲离谱！整个过程佢哋嘅态度都系好差，完全系冇礼貌，好似系我做错一件好大嘅事⋯⋯我知道亦都相当明白佢哋唔俾或者唔做过一碟饭系合乎「道理」，但相反，如果佢做返一碟饭俾个客都系「人情」…我觉得好多茶餐厅都系咁样做！呢个系有人情味嘅表现！如果香港每一间茶餐厅都好似红茶咁样做嘅话，身为香港人我真系觉得好羞耻！真心，我认为佢哋由上至下态度极差，成班人好似黑社会咁！ 𠮶餐饭我真系食到好嬲！自此之后，亦都从来冇再去过…点解佢会排长龙？点解会被人追捧？真系匪夷所思。