影片
更多
2012-09-10
451 浏览
6月26日, 今晚约咗朋友喺天后一带食饭, 以志成为食街嘅清风街一带有好多唔同食肆, 我地拣咗近期好heat嘅串串贡, 原来隔离新开嘅串够味都系佢地嘅分店, 因为我地4个人, 坐得舒服d就去咗地方大d嘅串够味~ 好彩我地6点半到, 无book枱都有位!::: 脆卜卜鸡皮串 ::: $18未食过用鸡皮嚟整串烧, 感觉上只有鸡皮好似好肥腻, 但系原来烧出嚟个质感都几唔同, 烧干咗嘅鸡皮冇咁油腻, 反而更加脆卜卜, 似食炸鱼皮, 个名真系冇叫错~ 再加上香料粉更加香口惹味~ 第一次食感觉良好~::: 芝士狮子狗串 ::: $13狮子狗外皮烧得㶶㶶地, 十分香口, 加上中间嘅芝士, 味道好夹, 𠮶种鱼蛋味加芝士味更加添一份浓郁感~ 不过一定要热食, 因为个芝士冻咗会凝固而变硬, 就唔好食.::: 麻麻地鸡中翼串 ::: $13呢个系朋友叫嘅, 我地因为惊佢个麻味太重而搞到条脷麻痺咗, 不过朋友话都唔系好麻, 又真系唔辣, 可能下次我地叫嚟试下.::: 新疆式鸡肉串 ::: $13呢个鸡肉串叫得做新疆式, 都离不开系用咗似类蒙古烤肉𠮶d孜然粉去烧~ 鸡肉够嫩滑, 咬落都唔嚡口, 唔错~ 味道都几
::: 脆卜卜鸡皮串 ::: $18
未食过用鸡皮嚟整串烧, 感觉上只有鸡皮好似好肥腻, 但系原来烧出嚟个质感都几唔同, 烧干咗嘅鸡皮冇咁油腻, 反而更加脆卜卜, 似食炸鱼皮, 个名真系冇叫错~ 再加上香料粉更加香口惹味~ 第一次食感觉良好~
::: 芝士狮子狗串 ::: $13
狮子狗外皮烧得㶶㶶地, 十分香口, 加上中间嘅芝士, 味道好夹, 𠮶种鱼蛋味加芝士味更加添一份浓郁感~ 不过一定要热食, 因为个芝士冻咗会凝固而变硬, 就唔好食.
::: 麻麻地鸡中翼串 ::: $13
呢个系朋友叫嘅, 我地因为惊佢个麻味太重而搞到条脷麻痺咗, 不过朋友话都唔系好麻, 又真系唔辣, 可能下次我地叫嚟试下.
::: 新疆式鸡肉串 ::: $13
呢个鸡肉串叫得做新疆式, 都离不开系用咗似类蒙古烤肉𠮶d孜然粉去烧~ 鸡肉够嫩滑, 咬落都唔嚡口, 唔错~ 味道都几特别, 呢度嘅串烧应该只有呢个串烧系呢只味, 少少辣够刺激~
::: 牛舌 ::: $16
呢只牛舌唔系薄切而系一粒粒~ 质地比薄切更弹牙, 牛味更突出, 唔错~
::: 蒜香鸡中翼串 ::: $13
因为我地冇叫麻麻地, 所以我地要咗呢个蒜香鸡翼~ 蒜味唔系太重, 可能烧得耐都系俾d炭味盖住… 但系鸡翼整体个味道都几好, 最好系开咗边, 咁样就唔会有外皮烧到㶶但系中间嘅肉都仲系生嘅情况~
::: 黄金蟹盖串 ::: $18
呢个系我地觉得最抵食嘅一样! 心谂个蟹盖咁硬点样串埋? 原来系先酿咗d蟹肉喺个蟹盖度, 再串埋~ 个颜色真系金金黄黄, 好吸引人, 亦都传来阵阵嘅蟹香~ 虽然个蟹盖唔算大, 但系酿入嘅蟹肉份量都几多, 啖啖肉十分丰富, 蟹肉都几新鲜, 烧完更加香口, 正!
::: 鸡脾菇串 ::: $12
鸡脾菇味道淡淡地, 烧出嚟太过干瘦, 唔系太好食, 少少失望.
::: 香草蒜蓉法包 ::: $13
法包真系唔错, 香草蒜蓉份量都十分重手, 法包每一部份都有, 唔会一忽只有面包而冇料~ 蒜蓉味道十分香, 牛油都有渗入法包, 有外脆内软感~ 虽然呢度系食串烧, 但系呢个法包又比好多地方好食~ 有惊喜!
::: 薄荷羊鞍 ::: $39
每逄有羊鞍食嘅地方, 我地都总会想叫嚟食下, 但系同牛猪鸡𠮶d唔同, 羊要做得好真系要d功夫~ 呢个羊鞍就唔算系好好味, 个卖相唔系好靓, 因为个薄荷酱太萤光, 比较吓人… 味道嚟讲, 薄荷味太流于表面, 脆口感都有, 但系里面嘅羊肉味道唔膻, 亦都唔太够新鲜咁, 话就话叫咗5成, 但系肉质偏熟, 有d韧, 麻麻地…
::: 烟韧年糕串 ::: $10
年糕够特别, 烧到㶶㶶地有少少似㶶咗嘅香口胶, 烟烟韧韧咁加上个外皮有小小脆, 唔错~ 但系年糕系比较淡嘅野, 所以𠮶块紫菜作用十分大, 为个年糕加d清新嘅味道~ 系一个串烧地方食烧年糕, 可以一试~
::: 黑糖菠萝串 ::: $13
烧菠萝十分juicy! 但菠萝本身已经有酸酸甜甜嘅味道, 加埋黑糖就好似太多, 令到菠萝个味道过甜, 盖住菠萝味.
::: 照烧北海道帆立贝串 ::: $28
呢个帆立贝都系其中一个亮点, 帆立贝连埋裙边好够大只, 烧嘅时间啱啱好, 唔会烧到个帆立贝好韧~ 咬落啖啖肉, 好鲜味又好够肉汁, 加埋照烧汁仲更加惹味添~
::: 黑白芝麻酱冻乌冬 ::: $15
卖相差味道亦差, 𠮶pat芝麻酱颜色已经唔讨好, 个乌冬又好淋, 又唔够冻, 成pat野淋pat pat咁, 虽说个芝麻酱味就唔错, 但系质地太杰, 捞埋落d淋pat pat乌冬度真系几好味都补救唔到…
::: 牛油栗米 ::: $16
牛油栗米估唔到咁嘅价钱竟然有咁嘅份量, 一客足足有两大碌! 其他同价嘅鸡脾菇同茄子都冇咁大件头~ 栗米仲系估唔到咁甜, 冇烧到干争争好似鸡脾菇咁, 呢个要赞! 推介~~~
::: 茄子串 ::: $12
茄子我地会钟意重庆烧𠮶d原只加烧汁加葱嘅烧法多d, 而家将茄子切片咁烧法系会干咗d, 加上茄子唔算新鲜, 所以只系普普通通…
::: 日式番薯 :::
日式番薯好甜, 外皮部位比较硬, 中间会淋番d, 有2种口感, 好似平时烧野食嘅时候烩番薯咁~
::: 特色饭团 ::: $18
食咗咁多肉同蔬菜, 当然食番d饭去填饱肚. 饭团可以拣烧或者唔烧, 但就冇得拣馅料, 只有斋饭团, 好彩佢都有个甜甜地嘅汁可以点下~ 饭团烧得都够香, 够脆又有少少饭焦, 份量都几多, 食完都会饱咗d~
::: 龙眼水 ::: $10
食咁多串烧难免会热气咗d~ 饮番个龙眼水就够晒下火! 呢个龙眼水都算足料~ 龙眼肉好多, 甜度自然又清甜, 饮完润喉又舒服!
食完第一次真系知道点解呢间串烧咁受欢迎, 价钱大众化之余, 有正常平时串烧又有d特色嘅串烧~ 虽然我地今晚食嘅野都有d系普普通通, 但系要说都系好食嘅比较多, 好似蟹盖、蒜蓉法包、帆立贝、栗米~ 但系佢地真系比较难book枱, walk in要睇彩数, 不过我地有机会都一定会再去!
张贴
