影片
更多
2019-02-26
1152 浏览
上次系同一条街食完丼就见到呢间串烧好似几好食，就专登第二日再去试呢间！佢嘅位置好靓，啱哂啲嚟LKF嘅人玩到攰就食少少嘢，仲要佢开放式咁款，啲烧烤香味冲哂出嚟，大家自自然然走去食想坐底食嘅朋友仔可以去佢旁边，有唔同座位俾你拣，可以靠窗边bar枱形式或者长枱一齐围住用餐叫嘢食嘅时候发现原来除咗串烧，仲有啲串烧饭或者海南鸡饭食，咁样就可以make sure正餐时段都有客仔，因为好少人会正餐斋食串烧，而且佢啲饭系中环嚟讲价钱算ok！好聪明嘅手法去揾多啲生意～我地叫咗最common必叫嘅猪颈肉、鱿鱼须、菠萝、鸡肉、露荀、鸡翼同白膳佢有唔同嘅酱汁可以拣，我地主要试咗莞茜酸辣酱、青咖哩酱，莞茜个款唔洗担心好多阵莞茜味鱿鱼须烧到啱啱好，食落去每一条都好爽口唔韧猪颈肉就无得输，肉质结实爽口，外面烧到有少少焦，食落更加有风味菠萝系我朋友嘅favourite，佢一串有四粒菠萝。我自问个口比较细，一口咬下一粒之后个口完全无位再咬。但朋友推荐一口咬住再系口内咬开会好正，劲多菠萝汁爆哂出嚟，非常正鸡肉肉质好嫩，不得不赞👍🏿白膳一串有四块，外表烤得有少少脆口，里面肉质都几肥美，不过要小心啲骨～鸡翼叫咗两串，一串有两
佢嘅位置好靓，啱哂啲嚟LKF嘅人玩到攰就食少少嘢，仲要佢开放式咁款，啲烧烤香味冲哂出嚟，大家自自然然走去食
想坐底食嘅朋友仔可以去佢旁边，有唔同座位俾你拣，可以靠窗边bar枱形式或者长枱一齐围住用餐
叫嘢食嘅时候发现原来除咗串烧，仲有啲串烧饭或者海南鸡饭食，咁样就可以make sure正餐时段都有客仔，因为好少人会正餐斋食串烧，而且佢啲饭系中环嚟讲价钱算ok！好聪明嘅手法去揾多啲生意～
我地叫咗最common必叫嘅猪颈肉、鱿鱼须、菠萝、鸡肉、露荀、鸡翼同白膳
佢有唔同嘅酱汁可以拣，我地主要试咗莞茜酸辣酱、青咖哩酱，莞茜个款唔洗担心好多阵莞茜味
鱿鱼须烧到啱啱好，食落去每一条都好爽口唔韧
猪颈肉就无得输，肉质结实爽口，外面烧到有少少焦，食落更加有风味
菠萝系我朋友嘅favourite，佢一串有四粒菠萝。我自问个口比较细，一口咬下一粒之后个口完全无位再咬。但朋友推荐一口咬住再系口内咬开会好正，劲多菠萝汁爆哂出嚟，非常正
鸡肉肉质好嫩，不得不赞👍🏿
白膳一串有四块，外表烤得有少少脆口，里面肉质都几肥美，不过要小心啲骨～
鸡翼叫咗两串，一串有两只，鸡皮烧得香脆，里面嘅鸡肉都入哂味
除咗串烧，我地都叫咗个泰式串烧配炒饭及杂菜。睇个餐牌见到炒饭幅图好惹味咁，结果真系好够味！饭粒分明有咬劲，另外串烧系鸡肉、猪肉同牛肉，配有沙嗲酱可以点
后尾走个阵见到人地个海南鸡饭都好吸引，下次可以食呢个！
张贴
