Grill ขุนทอง (和安里)

营业中

休息中

中環唔單止有得飲酒，仲有傳說中嘅蘭桂坊串燒飯！呢間Grill ขุนทอง位於蘭桂坊嘅附近，係一間人氣十足嘅泰式小食串燒店！餐廳全日供應串燒套餐，而且價錢合理，環境簡約舒適！另外，餐廳仲開到凌晨5:30am，想喺中環食宵夜嘅話，呢到真係一個唔錯嘅選擇～泰式串燒配菠蘿炒飯及雜菜💰HK$72泰式串燒有哂豬、牛、雞三款串燒，可以一次過品嘗哂唔同嘅肉肉！豬肉串燒肉質豐富多汁！牛肉串燒肉質緊實，有住更深層嘅肉香！雞肉串燒肉質香嫩輕盈！三款串燒都各有千秋！如果想再惹味啲，可以點埋旁邊嘅沙嗲醬！另外，菠蘿炒飯亦非常經典，菠蘿嘅天然甜味為炒飯增添咗清新嘅果香，令人特別開胃～泰式串燒配炒飯及雜菜💰HK$72呢個秘製炒飯亦非常之有特式，粒粒分明，口感軟糯，味道微微辣，仲有啲豆角同埋泰式香葉去增添口感！用來配搭惹味嘅串燒，味道相得益彰～泰國魚餅💰HK$25魚餅本身已經帶有麻辣味！表面嘅芫荽酸辣醬味道有驚喜，係以泰式酸辣味為主，芫荽味唔重，平時唔食芫荽嘅人，都會好容易接受到～燒豬頸肉💰HK$25豬頸肉肥瘦均勻，嫩滑多汁，而且有嚼勁！配埋芫荽酸辣醬，成件事變得更加泰式風味～牛仔骨💰HK$48係餐廳嘅招牌菜之一！牛

位於中環的「Grill ขุนทอง」泰式串燒店🍢食過翻尋味，今晚跟媽咪係附近做完facial💆‍♀️就過去搵食。泰式串燒店除了提供外賣，還設有堂食座位。餐牌主打泰式串燒，更提供全日串燒套餐、沙律、小食及飯類等。我同媽咪見個全日套餐都幾吸引，所以叫左2個全日套餐再加啲串燒食😁yummy yummy‼️泰式串燒雞肉配菠蘿炒飯及雜菜 $66🔹️免費跟餐飲 (檸檬茶/奶茶)泰式雞肉串燒有三串🐔，雞肉燒得好嫰滑又juicy，每一串都燒到有微微焦香，配搭沙嗲醬一齊食，好惹味❗️泰式豬手豬脾飯 $72🔹️免費跟餐飲 (檸檬茶/奶茶)豬手及豬脾以滷水醃製，並炆至肉質軟稔，豬手食落有豐富的骨膠原口感，配上酸辣醬汁來吃，真的很好下飯🤭豬頸肉 $25豬頸肉一串有4片，豬頸肉肉質爽彈🐷，每一片燒豬頸肉的厚度適中，肉汁豐富，大大塊啖啖肉。雞皮 $25雞皮燒得微微焦香，雞皮帶點彈性，好惹味❗️雞中翼 $22雞中翼一串有2隻，雞皮燒得焦香，肉質嫰滑而且仲保持肉汁😋泰式酸辣鳳爪 (杯裝) $36無骨酸辣鳳爪🐓口感爽脆，味道刺激，混合甜、酸、辣🌶的味道，非常開胃呢🤩✨️呢間泰式串燒店開到凌晨時份，絕對是深宵宵夜必選‼️

今次係蘭桂坊發現有一間泰式燒烤店係開到凌晨5點，好啱夜晚玩完食個宵夜🥰同平時中環返工都可以嚟食下平價泰國燒烤👍🏻呢度除左串燒，個海南雞飯都好正😋所以間唔中返工都會去呢間買lunch☺️.味道：🌕🌕🌕🌕🌑人均消費：$100.泰式去骨海南雞飯 $69海南雞去左骨真係食得好方便，最緊要係雞肉嫩滑同埋雞皮夠彈牙，而且份量都好多🥰配埋油飯真係好抵食👍🏻泰式串燒雞肉配菠蘿炒飯及雜菜 $66有3款串燒，分別係豬肉、牛肉同雞肉果最基本三款☺️三款串燒都正正常常，當中雞肉係最好食，好Juicy，配埋沙嗲汁真係好惹口🤩而菠蘿炒飯都唔錯，唔會好濕同粒粒都算分明，啱晒唔食辣嘅人👍🏻串燒：雞皮、豬頸肉、魷魚鬚、泰式魚餅 每款$25每款都唔錯，有種係泰國夜市嘅串燒Feel，而每款都已經有醬汁，所以都值得叫👍🏻當中豬頸肉同魷魚鬚係好好食😋豬頸肉夠Juicy而魷魚鬚就食落口感彈牙🥰菠蘿 $22食串燒一定要叫燒菠蘿，甜甜酸酸真係好開胃同解濟👍🏻呢間都燒得唔錯，表面帶點焦糖、食落有口感🥰

蘭桂坊附近覓食，偶遇這間人氣串燒店。櫥窗外的烈火和撲鼻香氣勾起食慾，吸引我們走進去。店內氛圍熱鬧，充滿泰式街頭風情。串燒款式很多，即叫即燒，焦香十足，醬汁香辣惹味；而全日供應的串燒套餐連飲品，性價比高，難怪成為不少中環打工仔的飯堂。．❇︎ 泰式酸辣鳳爪沙律 | $65開胃的小食，份量十足，酸辣度很夠。．串燒～❇︎ 牛肉串 | $22❇︎ 牛仔骨 | $48肉質鮮嫩，醬汁入味。更喜歡牛仔骨，骨邊肉口感更好且肉味更濃。．❇︎ 白鱔 | $68厚肉爽身，焦香惹味。．❇︎ 魷魚鬚 | $25爽彈有嚼勁，香辣的泰式風味。．❇︎ 豬頸肉 | $25脆邊香口，爽脆有口感。．❇︎ 大花蝦 | $80好大隻鮮甜彈牙，烤得火候剛好。．❇︎ 有機蘆筍 | $22清脆爽口，健康之選。．❇︎ 菠蘿 | $22香甜多汁，我倆都很喜歡，必點。．❇︎ 青檸雪碧 | $22雪碧與青檸與冰底，爽快。．❇︎ 有氣血橙汁 | $22滿滿的氣泡及果香，refreshing。

中環蘭桂坊都有貼地親民嘅串燒店，Gril呢間串燒店門面非常大，好醒目，有氣氛又有風味。全日供應套餐🔹泰式去骨海南雞飯 $69🔹泰式串燒雞肉配菠蘿炒飯及雜菜 $66餐飲: 熱奶茶 & 凍檸茶串燒有炭火燒烤的香氣，帶有淡淡的煙燻味，醬料香味十足，秘製醬料，簡直係精髓，有泰式嘅香茅味道。各種醬料有如燒烤醬、醬油、蒜蓉等的香味交，增添層次感。🔹牛肉🔹雞中翼🔹魷魚鬚🔹牛仔骨餐廳入邊裝修好有型，主打泰式餐品同泰式串燒，貼地又親民嘅價錢，加埋好味串燒，吸引咗好多食客。

真真正正係無骨海南雞，就連雞翼都係無骨，除了雞翼尖係有骨外，直頭係啖啖皮啖啖肉，雖然此海南雞肉唔會有好濃雞味，但都唔會有雪味，食落都係滑滑溜唔乾，雞皮食落有驚喜，竟然有好晶皮口感，細個食皮會食到想嘔，佢既樣有D似水晶粉咁，有香濃味，配上泰國醬好味，但配濃豉油就我個人唔喜歡食，飯就係配薑黃飯，熱熱辣辣，冬天食都幾啱，在蘭桂坊搵食，有飯落肚，有位坐依間收費，真心叫性價比高，相比金鐘及銅鑼灣，在中環依個價錢，真心可以叫抵食。PS： 唔好地方就係無人執枱

呢間喺蘭桂坊斜路嘅串燒 相信有去過飲嘢嘅朋友都唔會覺得陌生😏 之前同朋友飲完嘢去食宵夜 真係覺得好好食 我哋話要係一個清醒嘅狀態下試吓佢係咪真係咁好味😂要咗兩個套餐 泰式豬髀飯 泰式雜錦串燒菠蘿炒飯 跟餐包嘢飲 叫咗凍檸茶同奶茶泰式豬髀滷得都幾入味 無骨豬脾肉腍滑 啖啖骨膠原嘅感覺！最抵讚嘅係佢入邊有好多榨菜同芥蘭 即刻感覺健康啲✌🏻 雜錦串燒套餐有齊豬牛雞串燒各一 燒得香口又唔會太老 可以點沙嗲醬/泰式酸辣醬 炒飯炒得都香口 粒粒分明 私心想佢加啲肉鬆🍚 另外點少得必嗌嘅串燒 牛仔骨燒至焦香 有酸辣嘅醬汁同香茅味道🐮 豬頸肉厚切啖啖肉 烤完唔會乾哂 爽口有肉汁🐷 魷魚鬚好彈牙 燒得好香 鍾意食辣嘅一定要加辣🌶️

每次想食泰國嘢，我都即時會諗到呢一間Grill, 因為佢真係又好食又超抵食😎 完全唔使諗價錢，叫到成枱都係$200左右🤩🤩 套餐全日供應，全部都係$6-70左右包咗一個主菜同飲品😎 🌟泰式去骨海南雞飯 + 餐飲 $69唔好以為呢個價錢就會好求其，呢個海南雞真係好高質，雞肉嫩滑又夠香，連個油飯都好好食👍🌟泰式串燒配炒飯雜菜 +餐飲$72有齊牛雞豬各一大串，每款都係juicy 惹味，最正係點花生沙爹醬，甜甜地好好味😍炒飯香口乾身，唔錯🫶🏻🌟青木瓜手撕雞沙律$69份量好多而且雞肉仲多過青木瓜😆 清新開胃🫶🏻除咗呢啲煮食之外，呢度仲有好多多款唔同嘅串燒，有肉類蔬菜類，全部都好高質🫶🏻 最緊要係價錢真係好抵😎 仲要係朝早11點開到凌晨5:30，簡直係宵夜嘅美食天堂🤩

泰式串燒配炒飯及雜菜（$72）有三條串燒，雞、牛、豬各一串，三條都熱辣辣，雞肉肉質嫩；牛肉有咬口，口感似唔嚡嘅牛肉乾；豬肉爽口。沙嗲醬有粗粒花生，微甜，同串燒好夾。炒飯香辣，乾身，有豆角粒同香茅，味道一般。雜菜有白烚椰菜同甘筍仔，無咩味。泰式串燒配菠蘿炒飯及雜菜（$72）串燒同樣有雞、牛、豬各一串。菠蘿炒飯味道偏淡，有菠蘿同三色豆，味道普通。套餐包冷熱飲品一杯，凍檸茶味道合格。整體嚟講，係中環呢個地段，有泰式串燒有飯有凍飲，唔使加一，味道可以，價錢合理，CP值OK。

泰式去骨海南雞飯$69泰式串燒配菠蘿炒飯及雜菜$72泰式串燒配炒飯及雜菜$72泰式酸辣鳳爪$36好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️中環工作的我，好多時都覺得附近的餐廳用餐偏貴。不過最近就發現了蘭桂坊這間泰國串燒餐廳，有超抵套餐。最便宜那款$66，最貴那款才$72！重點是全日供應！今次就與另外2位同事各試了一款套餐及泰式酸辣鳳爪。泰式去骨海南雞🐔飯的雞啖啖肉，肉質嫩而不鞋。雞皮滑但又不會有一層肥膏。飯🍚有油香味。泰式串燒雞牛豬各一串，串燒燒得香，但又不會過乾身。每串串燒都有調過味，好夠味。但若想惹味一點，可沾點帶花生🥜味的沙嗲醬。炒飯粒粒分明，不會太乾或太濕，有鑊氣。泰式酸辣鳳爪夠多汁，辣🥵得過癮。鳳爪爽口。總括而言，食物便宜又好味，性價比高，這間餐廳應該會變成我和同事的飯堂。

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯成日經過蘭桂坊，都會見到呢間泰式串燒店啊，原來佢哋嘅午市套餐真係好抵食，自己再加多幾串串燒都可以好豐富首先我哋叫咗個青木瓜沙律先69蚊，份量超級多，啲醬汁係自己分開倒落去嘅，唔使驚太辣太咸非常推薦口感爽口清新另外叫咗個泰式雞肉串燒炒飯配搭雜菜有三串串燒份量都幾大加上佢哋嘅秘製醬汁非常惹味佢哋去骨海南雞飯亦都係必點菜式之一雞肉口感鮮嫩另外都推薦佢哋個菠蘿串燒又平又大份多汁好甜如果唔想錯過其他好介紹，記得follow我呀😘多謝大家！！！你嘅支持就系我嘅動力！記得點贊❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯Grill ขุนทอง (和安里) (中環)中環和安里1號地舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

成日經過蘭桂坊都見到呢間串燒店好多人等串燒食👀今次去到附近見到唔係太多人🙏🏼就即刻入咗去食🤪串燒可以堂食可以外賣🥡座位有限🥹如果想堂食就早啲去攞位啦😎🥘泰式青咖喱牛腩飯牛腩超淋超入味😚青咖喱雖然唔係好杰親🙈但係辣味好足🌶️配埋茄子青瓜🥒啱啱好👍🏻🍍泰式雞肉串燒配菠蘿炒飯及雜菜雞肉有驚喜😻嫩口多汁💦有三串👅雜菜都有燒過🍖味道變得更有層次🔥🍢串燒菠蘿大推‼️鮮甜多汁仲要冇渣😭鮮菠蘿萬歲❤️🍢串燒有機蘆筍青咖喱汁配蘆筍原來幾夾😲蘆筍都係一啲渣都冇🤤🍢串燒豬頸肉泰式嘅辣真係好惹味❤️‍🔥蒜頭辣椒令佢味道好豐富🍢串燒泰式魚餅魚餅好大塊😝三塊啱啱好🤓

依家好方便，週末同Lisboy搭船過中環覓食，又可以遊船河，咁都俾我哋發現咗一間平價泰國嘢食😍喺呢度返工嘅人真係幸福！每個套餐都係$6-70包嘢飲！🍽️ 去骨海南雞飯上次同Lisboy去泰國最正就係成日有得食雞，呢度嘅海南雞飯好抵食，大大碟海南雞油飯仲包凍檸茶😍喺附近返工嘅人一定好開心，因為佢啲海南雞好有質素夠晒滑嘟嘟，有有雞味🤤Lisboy食得好開心！🍽️ 串燒豬牛雞配菠蘿炒飯呢度最出名就係串燒，當然要叫埋佢嘅豬油雞串燒套餐試一試🍢即叫即燒熱辣辣，最正係個秘製醬汁，配埋個牛肉真係好出，菠蘿炒飯都會出色，夠晒傳統！🍽️ 青木瓜手撕雞沙律三個人叫三個餐，但份量都幾大，所以叫咗個青木瓜手撕雞沙律，估唔到個手撕雞咁大份，真係啖啖肉，真係啱晒想減肥嘅女士過嚟食返餐好😍🎉🍽️ 法式焦糖燉蛋女人有第二個胃食甜品，食完好滿足嘅泰式午餐當然叫返個甜品，今次我就叫咗呢個法式焦糖燉蛋，都係一樣咁出色外脆內軟🍮

想介紹返畀gym buddies 做運動控制飲食係重要我嘅口袋名單除咗poke bowl仲有 Grill你點都做唔到呢度可以揾到咁嫩滑嘅泰式海南雞胃口好我會叫半隻雞醬汁可以省略因為本身嘅雞味都幾濃拌菜係大量椰菜如果想出少少cheat都可以叫1/4隻雞再追加幾款串燒白鱔好香脆但同時又keep到肉質juicy 唔乾柴！四件都鰻都微微有焦香至於雞肉串同串都ok！走泰式風面上搽咗泰式醬少少花生醬同花生碎都幾香口當然做gym嘅朋友都可以點走醬版本

平日12:30嚟到呢間中環嘅串燒店，已經坐滿人，座無虛席😧望一望Menu，又好似真係幾抵食！🍢串燒菠蘿飯串燒菠蘿飯係有齊豬，牛，雞串燒，配菠蘿炒飯，味道正常，加上菠蘿甜甜酸酸，令人好開胃！🍢雞菠蘿飯而雞菠蘿飯就係有三串雞串燒，燒得好香口，啖啖肉，唔錯！🍢海南雞海南雞做得幾出色，雞髀位非常嫩滑🍢串燒菠蘿菠蘿好甜，爆汁之選🤤🍢串燒蘆筍蘆筍加咗少少鹽去燒，味道唔錯🍢串燒粟米仔份量好足夠，爽口多汁🍢串燒魚餅魚餅彈牙，味道偏辣🍢串燒雞中翼調味唔錯，燒得幾靚🍢串燒魷魚鬚好有咬口，醬汁有特色🍢泰式鳳爪無骨鳳爪，酸辣酸辣，好惹味！總括而言，呢間份量好足夠，係中環嘅抵食之選！