深宵食堂 (已結業)

好出名嘅深宵食堂，可能我抱有太大期望，所以到最后有少少失望。呢个一口牛系不错的，唔会好韧又有啲咬感。不过又唔算系有好香嘅牛肉味。呢个鸡翼我好钟意，超推介！炸得好香脆，而且鸡翼仲好有肉汁好嫩滑。呢个乌冬几好味，不过比我想像中细碟，但系味道真系几好。呢个茄子我好唔钟意，因为落得太多粉，我完全食唔到茄子嘅味道，净系食到啲粉，成口都系粉。最后有芝士年糕，我都系觉得好普通，加上外观不讨好。整体而言，我会推介芝麻鸡翼同炒乌冬！唔洗排队值得食，如果要排队我觉得就唔太值得等。不过如果你喜欢饮酒又约埋几个朋友吹水系一个不错的选择。