川味亭

营业中

休息中

小店位于尖东交界，主打川式串烧，食物种类繁多，肉类，海鲜、蔬菜、丸类、钖纸焗系列等，仲有自选车仔面可以叫，咁就唔怕唔够饱啦🤣 店内虽少但五脏俱全，经过可以一试😬肉丸类叫咗多春鱼、五花腩肉、鸡中翼、台湾肠、鸡肉肠、墨鱼丸同芝心丸！个人最钟意多春鱼同肠仔，前者香脆可口，后者口感扎实～ 墨鱼丸都OK，鲜甜弹牙而且份量十足🍢 蔬菜类有韭菜、尖椒、秋葵、蒜蓉原条茄子、粟米、钖纸焗冬菇同钖纸焗全素🫑 韭菜，尖椒同秋葵洒上满满嘅孜然粉，食材新鲜，滋味无穷～ 茄子就更加唔洗讲，多汁软嫩令人一食爱上🍆 钖纸系列反而几有惊喜，上枱时热辣辣，吸晒啲汁，配饭一流🤣其他包括豆卜、一口蕃薯、豆腐、风琴豆腐、腐皮卷、小馒头同有机菠萝🍍 豆腐切到细细嚿，入口滑溜，极度推介、小馒头外皮炸至金黄色，外皮脆身，内里软熟，配上炼奶简直无得顶😬 菠萝性价比甚高，一串六粒，酸甜可口，作为饭后甜品就最合适不过了😆