影片
更多
2024-03-27
831 浏览
🏮就嚟富妹生日，生日咁大件事，梗系要庆祝吓啦！富妹成日投诉熊妹成日食西餐，🆗，生日同富妹再食好啲，拣间日本居酒屋，日本菜仲唔够高级？📌要近富妹屋企附近，就当然喺九龙城揾食。去到打鼓岭道，见到有间日本居酒屋《礼》，望入去橱窗，摆满咗好多个唔同大细，唔同款式的招财猫🐱，咁日本风情就呢间喇！📌店舖唔算好大，有四至五张四人枱，仲有二人枱同埋门口bar枱位，用上木枱木椅，天花板上吊起几个日式居酒屋灯笼，墙上有个木架，放满了一些日式摆设🎎同sake杯🍶，呢个杯架真系好吸睛，餐厅仲不停播放住日文歌🎶，成件事就系居酒屋的格局！📌居酒屋初期原本是让上班族过来饮酒轻松一下，后期引入了各款日式菜式，以串烧、佐酒小食为主，与友人把酒欢谈的同时，又可以品尝佳肴，「一啖串烧一啖酒」，正正就是居酒屋引人入胜的地方。📌除了串烧之外，《礼》居酒屋仲有好多日式食品，例如前菜小食、沙律、他他、炸物、烧物、乌冬、丼饭、日式甜品等等，再配合返香港人近期热爱烧牛舌同炸鸡，仲推出咗一连串嘅牛舌款式同埋炸鸡口味，所以话系居酒屋又有得食又有得畅饮，真系一个有气氛又轻松的餐饮地方。📌《礼》仲推出咗个9️⃣大排行榜，即系招牌菜式啦，熊妹同富妹
🏮就嚟富妹生日，生日咁大件事，梗系要庆祝吓啦！富妹成日投诉熊妹成日食西餐，🆗，生日同富妹再食好啲，拣间日本居酒屋，日本菜仲唔够高级？
📌要近富妹屋企附近，就当然喺九龙城揾食。去到打鼓岭道，见到有间日本居酒屋《礼》，望入去橱窗，摆满咗好多个唔同大细，唔同款式的招财猫🐱，咁日本风情就呢间喇！
📌店舖唔算好大，有四至五张四人枱，仲有二人枱同埋门口bar枱位，用上木枱木椅，天花板上吊起几个日式居酒屋灯笼，墙上有个木架，放满了一些日式摆设🎎同sake杯🍶，呢个杯架真系好吸睛，餐厅仲不停播放住日文歌🎶，成件事就系居酒屋的格局！
📌居酒屋初期原本是让上班族过来饮酒轻松一下，后期引入了各款日式菜式，以串烧、佐酒小食为主，与友人把酒欢谈的同时，又可以品尝佳肴，「一啖串烧一啖酒」，正正就是居酒屋引人入胜的地方。
📌除了串烧之外，《礼》居酒屋仲有好多日式食品，例如前菜小食、沙律、他他、炸物、烧物、乌冬、丼饭、日式甜品等等，再配合返香港人近期热爱烧牛舌同炸鸡，仲推出咗一连串嘅牛舌款式同埋炸鸡口味，所以话系居酒屋又有得食又有得畅饮，真系一个有气氛又轻松的餐饮地方。
📌《礼》仲推出咗个9️⃣大排行榜，即系招牌菜式啦，熊妹同富妹本身都唔食得多野，决定今晚系串烧之夜🍢，「一啖串烧一啖酒」，入围的串烧当然要嗌晒去啦！
📌嚟到居酒屋，梗系要饮番杯先啦！原来有两小时啤酒或者清酒任饮优惠🍺，每位都系$98，嚟到居酒屋一定要用酒先可以释除一天的辛劳。
📌事不宜迟，干杯🍻！
前菜
14 浏览
0 赞好
0 留言
好多时候日本餐饮都会有一两碟前菜小食，佐吓酒，开下胃，今晚《礼》的前菜系腌制咗嘅酱油牛腩萝卜粒，牛腩粒咬落去好似食牛肉干咁，好有咬口，腌制咗酱油味超浓，熊妹几钟意呢款小食㖞！
啤酒任饮二小时
$98
27 浏览
0 赞好
0 留言
蒜头渍以日本前菜嚟讲都几出名，蒜头粒粒好有咬口，用上香浓嘅酱汁腌制而成，食一粒，全个口腔都已经充满蒜头咸味，真系几好嘅送酒前菜。
牛蒡酱油渍，$38
本身熊妹都唔系几好牛蒡味，不过呢个牛蒡经腌制之后减少咗好多牛蒡味，食落去好爽口，好似食咸味嘅萝卜咁。
古早蟹籽沙律
$58
21 浏览
0 赞好
0 留言
不嬲熊妹食大餐之前都要食沙律，呢个古早沙律，听个名都好特别，唔知古早系咩呢？
原来材料就系吞拿鱼沙律、沙律菜同埋面头铺咗一大堆蟹籽，捞上芝麻柚子醋汁，食落酸味味之余又有啲吞拿鱼肉嘅口感，相信古早就真系经典嘅意思，用上嘅材料都系典型沙律嘅材料，又几开胃㖞！
蟹羔玉子烧
$88
13 浏览
0 赞好
0 留言
9大排行榜第6️⃣名，蟹羔玉子烧。一碟切成六件，面头铺满左蟹籽，望落去橙橙黄黄已经好吸睛。玉子烧要烧得靓绝对好考师傅嘅功架，一层一层蛋皮煎起再包起又唔可以见到任何烧焦嘅虎皮纹，煎嘅时候一定会全神贯注，小看1秒都会失手。
蟹羔玉子烧
$88
12 浏览
0 赞好
0 留言
富士苹果烟肉卷
$48
187 浏览
0 赞好
0 留言
9大排行榜第4️⃣名，厚切牛舌芯。一串牛舌有四大件，目测起码有3cm×3cm，厚切嚟讲真系几厚，应该有0.5 cm嘅厚度，调味唔需要多，轻轻嘅盐味已经好配牛舌，牛舌芯厚到食落好爽口，好有嚼劲，咬下咬下，食一件已经好满足。
富士苹果烟肉卷（中），$48
烟肉卷配蕃茄仔就食得多，配富士苹果就未食过。一串有三件，外皮烟肉卷包住一大粒富士苹果，外皮嘅烟肉煎到刚好唔干，咬落去有油脂分泌，再配合清新清甜的苹果🍎，富士苹果食落好爽口，可以解烟肉脂肪嘅油腻之余，又好似食饭后果咁清一清口腔嘅烟熏味，比起配蕃茄仔确实系唔同食法。
妈妈咸蛋猪肉棒（右），$48
9大排行榜第3️⃣名，妈妈咸蛋猪肉棒。免治猪肉制成嘅串烧棒，面头铺上妈妈咸蛋黄酱，猪肉棒啖啖肉，调味唔重先配合到妈妈咸蛋黄嘅咸香味，呢个咸蛋黄酱真系几特别，好简单嘅猪肉咸蛋黄食材，就系想带出童年母亲烧菜的味道。
京葱鸡肉串
$48
6 浏览
0 赞好
0 留言
9大排行榜第1️⃣名，脆皮白鳝。第一名㖞！一串有两大件白鳝，白鳝系厚切，涂上烧汁去烧再慢慢渗入鳝肉入边，火候烧到刚刚好，食落系爽口，而唔系淋生鱼肉，与烧汁嘅配合一啲都唔腥，明显用料上乘，火候十足，难怪可以登上第一名的宝座🏆。
京葱鸡肉串（中），$48
表面搽上酱汁，一啖鸡肉一啖京葱，梅花间竹咁食，就可以食到鸡肉同葱味两者交织的配搭，系经典的串烧款。
青森青提豚肉卷（右），$48
9大排行榜第2️⃣名，青森青提豚肉卷。比起烟肉卷，这份豚肉卷少了份烟熏味，加重了豚肉嘅味道，内里包住青提子，惊喜地发现连提子皮衣都剥开了，一咬落去，清甜嘅青提子汁就会泌出来，冲激豚肉片，又咸又甜，油腻尽消，果然系够特别的第二名！
免治鸡肉棒配酱油蛋
$48
4 浏览
0 赞好
0 留言
9大排行榜第9️⃣名，免治鸡肉棒配酱油蛋。免治鸡肉棒在熊妹心目中，一直以来都系第一名！免治鸡肉棒入边用上打鸡肉及搅碎了的鸡软骨混合制成，咬落去有肉嘅口感又有鸡软骨嘅卜卜脆，重点系点上月见酱油汁，加一点酱油味道之余，仲有好浓郁嘅日本蛋黄味，生蛋黄浆住喺鸡肉棒上面，再提升咗成份鸡肉棒的味觉享受。
南蛮炸鸡
$78
11 浏览
0 赞好
0 留言
除了串烧，炸鸡送酒都非常一流，炸鸡款式入面南螀蒜香都几特别。
一碟有五大件，炸鸡超脆口，用上奇趣炸，鸡皮有一定嘅厚度同油腻，炸得通透食唔出炸粉，系连骨嘅鸡肉位，大大块鸡肉啖啖肉，南螀蒜香经油炸咗之后味道更出，最后连骨头都噀埋好有味道。
日本枝豆
$38
13 浏览
0 赞好
0 留言
又一送酒佳品！呢碟日本枝豆份量都几多下，有20条或以上，简简单单用盐水煮滚，食落去已经好充满盐味，煮熟咗嘅枝豆皮变软，喺枝豆中间将一粒枝豆咇出来再渗透出盐水，清咸嘅青豆味，食一条再送一啖酒，就系佐酒小食的意义。
11 浏览
0 赞好
0 留言
23 浏览
0 赞好
0 留言
张贴
