黑木 (已結業)

今日专程去尖沙咀金巴利街揾嘢食，不过唔系食韩国菜，而系食日本菜。因为上次被一间门口装修得好有日本居酒屋风格，名叫「黑木」嘅餐厅所吸引，所以专程来试吓。餐厅主打日式串烧 Omaskase，所以没有餐牌，对于有选择困难症嘅我十分适合。烧鳕鱼干烧得十分松脆，食落有鳕鱼嘅油香味，点上落咗七味粉嘅沙律酱，用来送酒一流。免治鸡肉棒用日本鸡造成嘅免治肉棒，肉质够弹口，混上日本温泉蛋汁嚟食，味道一流。网烧鲍鱼用上大大只嘅南非鲍人鱼，配上自家制鳗鱼汁（用上鳗鱼骨、鳗鱼头熬制），提升左鲍鱼嘅鲜味。烧牛脷相信系拣选咗牛脷最幼嫩部份，食落有肉汁和重牛味，加上自家制麻油大葱酱，十分匹配。牛油烧雪场蟹脚配上竹炭盐来烧，蟹脚够新鲜，肉质没有被烧得太干身，食落还有海水味。黑豚腩肉用上鹿儿岛嘅黑豚腩肉，烧得外层脆脆，入口即溶，再配上自家制虾膏酱，真系好好食。烧鳗鱼外脆内嫩，每一件都加上自家制鳗鱼汁和海苔粉，味道相辅相成。汁烧美国牛肋条食落很有口感，由一层层嘅牛肋条肉所组成，再铺上萝卜磨成嘅酱汁，带出浓厚嘅牛肉味。