彩虹串燒專門店 (已結業)

一直都系叻姐既fans，由大埔帮衬到黎荃湾，今次就推介几样食物比大家啦～✨原只膏蟹海鲜粥只蟹超大只，味道鲜甜，肉质弹牙。粥底够绵滑，加埋海鲜既鲜甜味真系一流。而且一份粥既份量都多，够三、四个人食。我地个次两个人食，饱到反艇。✨烧蛏子皇一直都好中意食蛏子，而呢到既蛏子都好大只，而且新鲜。烧得啱啱好唔会好熟好韧，加埋蒜蓉真系非常惹味！✨烧新鲜大鳝大鳝够肥美，烧到个皮有少少脆，好香口。加埋泰式酱汁，酸酸甜甜咁，唔会太滞。不过略嫌一串得三旧鳝肉太少，唔够喉。✨烧原条茄子食串烧又点可以唔叫茄子呢！茄子烧到淋哂，加埋劲多蒜蓉（本人系蒜蓉fans），真系超好食！✨椒盐大鲍鱼鲍鱼先炸过，所以出面系脆卜卜既外皮，加埋咸香十足既椒盐，好过瘾。而入面系新鲜既鲍鱼，弹牙爽口，鲜味十足，非常推介！✨一口芝士豆腐一开头以为系炸芝士粒，但原来系好似芝士丸之类既食物，有少少失望。不过外面炸得非常松脆，食落口都好食架。其他串烧就冇咩特别，所以就唔详细写啦～大家去帮衬既时候可以试下啲海鲜，质素唔错架！