影片
更多
2019-02-23
40 浏览
餐厅系韩国街，门口装修好低调，好有日本omakase 店嘅风格。 餐厅入面除左最吸引嘅吧台，仲有普通座位，装修简洁沈稳。我地好肚饿就点左最多嘢食嘅set；享.日 $688 。包括前菜、串烧12串、季节海鲜、汤（吸物）、饭团（食事）及煮物。前菜煮海螺 蕃茄青瓜 猪肝 冰糖渍三文鱼嘴海螺有4粒，几爽口，酱汁甜甜地几特别。中间有d 蕃茄青瓜系清味蕾解腻用嘅。猪肝第一啖食有浓浓烟熏味，似烟鸭胸味，口感绵密，但都系会保留到猪肝味，唔食内脏嘅话可以提前同店员讲安排其他食物。冰糖渍三文鱼嘴酸酸甜甜，口感软软地又有小小软骨嘅爽，微微食到鱼味，好特别。串烧12串：part1（顺序由左到右上到下）鸡软骨：好爽口，加d盐同柠檬汁就啱啱好青椒仔：估唔到完全唔会苦涩辛辣，反而甜甜地，口感有d似青葵。鸡肉酿鸡软骨配温泉蛋串烧：温泉蛋滑溜溜浓郁蛋黄味，鸡肉棒质感比较松散d，有d葱令味道比较丰富香d，入面有鸡软骨碎，增加口感，捞埋温泉蛋食好滑好香浓，口感丰富烧白鳝：好热辣辣，嫩滑多汁，烧到外脆内软烧葱白：好清甜，都几嫩烧黑豚肉：呢个好好味！肥瘦层次分明均匀，keep 到肉汁唔会孩，猪肉味浓郁，系黑毛猪独有嘅香气！而
餐厅入面除左最吸引嘅吧台，仲有普通座位，装修简洁沈稳。
我地好肚饿就点左最多嘢食嘅set；享.日 $688 。包括前菜、串烧12串、季节海鲜、汤（吸物）、饭团（食事）及煮物。
前菜
煮海螺 蕃茄青瓜 猪肝 冰糖渍三文鱼嘴
海螺有4粒，几爽口，酱汁甜甜地几特别。
中间有d 蕃茄青瓜系清味蕾解腻用嘅。
猪肝第一啖食有浓浓烟熏味，似烟鸭胸味，口感绵密，但都系会保留到猪肝味，唔食内脏嘅话可以提前同店员讲安排其他食物。
冰糖渍三文鱼嘴酸酸甜甜，口感软软地又有小小软骨嘅爽，微微食到鱼味，好特别。
串烧12串：part1（顺序由左到右上到下）
鸡软骨：好爽口，加d盐同柠檬汁就啱啱好
青椒仔：估唔到完全唔会苦涩辛辣，反而甜甜地，口感有d似青葵。
鸡肉酿鸡软骨配温泉蛋串烧：温泉蛋滑溜溜浓郁蛋黄味，鸡肉棒质感比较松散d，有d葱令味道比较丰富香d，入面有鸡软骨碎，增加口感，捞埋温泉蛋食好滑好香浓，口感丰富
烧白鳝：好热辣辣，嫩滑多汁，烧到外脆内软
烧葱白：好清甜，都几嫩
烧黑豚肉：呢个好好味！肥瘦层次分明均匀，keep 到肉汁唔会孩，猪肉味浓郁，系黑毛猪独有嘅香气！而且黑豚肉面用左黑椒汁调味，更加惹味。
串烧12串：part2（顺序由左到右上到下）
烧芦笋：选取嘅位置比较嫩，调味酸酸地几开胃
烧鸡脾菇：够晒厚身，有烧汁、黑椒等调味
鸡肾：上面用了麻油、黑椒和蒜粉调味，香味四溢，质感比较软，但系略嫌鸡肾有dd 内脏腥味。
烧鸡颈肉：质感嫩滑多汁，但同一般鸡肉味道差唔多。
烧翠肉瓜：黑椒牛油调味香浓，翠肉瓜厚身大片，食落水分几足。
烧白菌：配照烧汁，保留到水分
食事：明太子及木鱼丝饭团
饭团味道比较淡，但表面煎到脆脆地，口感扎实。
海鲜汤：用茶壶装住鲜甜海鲜炖汤，保持到温度由上台到食完都系热辣辣，汤用左蚬、虾肉、鸡肉等熬煮饮落鲜甜浓郁。
季节海鲜：（因应季节调整）
烧油甘鱼鲛：几嫩滑，而且唔会腥
烧鲭鱼：唔会老，份量足，有碳烧香味唔会腥
煮物：冲绳猪手
猪手先煮后煎，有黑糖甜味之余带阵阵酒香，软腍浓郁，够晒胶质，骨胶原充足，几好味！
食完真系好饱好饱！略嫌定价较高。
张贴
