星橋居酒屋

营业中

休息中

位于中环嘅星桥，一贯日本居酒屋🏮风格，地方唔算大，简约木系装修，连餐桌餐椅都都系木制，简洁干净；墙上一幅好大蓝白色油彩画，尽显日本风格，亦成整间店铺特色墙。店铺仲有挂上黑板，写出当日推介新鲜食材。先order几款串烧🍡🍢🍡大葱 /日本秋葵大葱烧至外皮有点焦香，入口先尝倒烧过嘅葱甜，食到最入边果层就感觉到微微辛辣味钟意食秋葵嘅朋友，就会钟意佢入口有种黏黏滑滑质地，烧过嘅秋葵熟度刚好，口感保持爽脆黏滑。🍢牛舌心大约1cm嘅厚度，烧就最合适不过，口感爽弹，烧得微微焦香，肉质保持粉嫩，肉汁满满，牛香满满😋。🍡烧鸡翼食串烧一定要点烧鸡翼啦😄，外皮焦脆，肉质嫩滑。🍡汁烧葱牛肉卷牛肉包裹住重重叠叠嘅葱段，牛肉软嫩，葱段香甜，而且葱段卷得好扎实，好有口感。🍢免治鸡肉捧食呢款鸡肉捧，中间紧有一点点鸡软骨，增加口感，蘸点埋蛋黄一齐食，除左食倒蛋香外，令鸡肉捧更加滑溜。串烧全部即叫即烧，上枱热辣辣，今晚食嘅所有串烧只有些少盐作调味，全部都保持食材原有味道，真心比赞👍🏻👍🏻。🥢野菜天妇罗有大葱、秋葵、红椒、矮瓜、鲜冬菇薄薄一层脆浆包裹住野菜，炸得干爽，一啲都唔会油腻，鲜冬菇同矮瓜🍆最出色，外层脆口，入边湿润😋