串酒里 (已結業)

Happy Friday 揾左间串烧同朋友一路食一路倾计，见到呢间有特别既粗口手工啤酒就去左试。系街见到有banner，要再行多一段小路，环境几静。见到粗口啤一定要叫返枝啦！每个粗口都有唔同既味道，最后选择左「柒」(香甜蜜糖)同「撚」(烟熏黑枣)，其实主要原因系因为字而唔系味道。「柒」味道比较甜，好易入口，推介俾唔钟意啤酒苦涩味既朋友。而「撚」啤酒味道好强烈，当中带点微微既黑枣味，几特别。左至右：泰式辣汁扇贝，麻辣火鸡肾，麻吉烧，下：露荀烟肉卷。有啤酒点少得下酒串烧，当中最嘢味系个扇贝，个酱汁真心好辣（唔食得辣既朋友请注意），但食完配上啤酒，感觉好刺激好爽。汁烧豆腐串。豆腐皮脆内嫩，汁唔会过多，味道刚刚好。黑松露沙律酱薯条。食得太多浓味既野，沙律可以中和返个味觉，当中黑松露味刚刚好，薯条厚度适中，唔会太薄而无左薯仔味，推介。秘制酱汁猪颈肉。超好味！猪颈肉大大块咁烧，肉质嫩中带点爽口，最重要系烧完唔干仲充满肉汁，推介。蒜蓉烧原条茄子。好香蒜蓉味，味道刚好唔会过咸，食落亦都唔会好干身。餐厅地点有少少隐蔽，好适合同朋友饮枝啤酒畅所欲言，串烧整体质素都好好，满足到要饮酒但对食物亦有要求既人。