燒烤堂

营业中

休息中

相隔好一段日子，又来串烧界的天花板烧烤堂食串烧啦。串烧选择实在太多，上次食唔到既今次一于试埋，仲配埋生啤，实在太正，酒逢知己千杯少呀。而当晚好彩预早book位，见全场座无虚席。美食好味，当然有咁多捧场客啦。桂花蜜糖本地蕃茄 $28冻蕃茄片加上桂花蜜糖甜美，估唔到几清甜。鸡皮墨鱼滑 $38鸡皮烧得好香仲脆卜卜，墨鱼滑好弹牙，一定要食。豚肉节瓜波板糖 (付月见) $38终于食到，好正，豚肉片和节瓜片卷成圆饼，好特别，啖啖肉又唔觉油腻，沾上蛋汁美味。汁烧免治鸡肉软骨棒 (付月见) $38啖啖肉的鸡肉棒口感松软，捞蛋汁食，正。蒜蓉烧广岛蚝 $44蚝身超肥美，蒜香惹味，大大只食完好满足。焦糖青苹果鹅肝多士 $108贵贵地但大件，可二人分享。鹅肝肥厚入口即溶，配搭青苹果片清甜好味。盐烧赤鸡颈肉 $22好有鸡味，而且劲爽口，好食。福冈味噌松板猪 $28猪劲肉位口感爽脆，味噌调味甜美好食。川烧蒜蓉茄子 $36茄子大条，蒜香味浓，川烧惹味。味淋鱼干 $48鱼干甜美口感烟韧，小食多滋味。盐烧豚肉荔枝卷 $22荔枝爆汁香甜，俾豚肉卷住，配搭好味。日式烧白鳝 $48鳝肉爽口弹牙又唔腥，烧汁配上葱丝，非常惹味。