鮮‧港式串燒吧 (已搬遷) 新店位置

观塘工业区越夜越热閙，要揾食好容易，餐厅多，再加上选择的种类够多，想食乜都有，今次收工来到骆驼漆大厦揾食，呢度有好多cafe，各种中西餐厅，最后揾左间食串烧的餐厅，可以慢慢食同埋倾下计餐厅坐位都几多，半开放式厨房，但餐厅内完全无油烟味，坐得好舒适烧韮菜，烧得啱啱好，韮菜无被烧干，上面洒上孜然粉同辣椒粉，所以食落少少辣，十分惹味烧鱼皮饺，外皮烧到脆卜卜，但咬落去中间仍然烟韧，估唔到平时用来打边炉，变左烧烤都一样咁好食，另外要左条辣肉肠，一样外面脆，几香口，食完感觉有啲似台式肠烧牛舌，厚切来烧，肉汁仍然丰富，再加上肉质好嫩滑，加上系我的至爱，好正盐烧鸡翼，味道有少少咸，加少少柠檬汁更加香口，同埋烧得啱啱好，鸡翼中间熟透，完全睇到师傅烧烤功力出色烧大磨菇，成晚我最钟意的烧物，磨菇中间酿满芝士同埋烟肉碎，磨菇系烧到完全熟透，仍然多汁，配合埋烟肉芝士，变得非常夹的味道最后食左成晚肉，食番个烧菠萝，可以用来平衡一下，烧过的菠萝真系甜左啲，可以减轻一下油腻感最值得一赞系上菜的速度，每样食物都系即叫即烧，食完一碟接著另一碟就到