小野人

营业中

休息中

朋友最钟意食串烧，最近介绍我去呢间开咗唔系好耐嘅串烧店，地方干净企理，地点非常方便！睇返餐牌，每一样都非常吸引，除咗肉类之外，仲会有海鲜、饭面类、菜类....甚至饮品都非常多选择！用qr code扫码下单，快捷方便，重点系会有个烤炉一直暖住串烧，喺寒冷嘅天气亦可以随时食到暖笠笠嘅串烧，大爱！元气森林水果茶~水果茶非常清爽，够晒大杯，食烧烤最紧要有大量饮品！绝对可以解腻、解渴！日本梅酒梳打~朋友最钟意饮返两杯，香甜嘅梅酒加上充满气泡嘅梳打，亦都非常合适！小野人黑松露蘑菇烤饭~通常可以先落柠檬汁，感觉会比较清新，拌匀后再用紫菜包裹著，口感都唔同晒，可以一饭几食😂小野人蒜蓉烤茄子~茄子已经烤到非常香软，一梳梳茄子丝包裹著蒜蓉，非常入味！蒜蓉烤生鲜生蚝~生蚝非常新鲜，而且尺寸颇大！热辣辣嘅时候食，一定系最好食！烤海中虾~串烧方面，会highlight海中虾，原只食，唔使剥壳，外壳烧到非常香脆！同时亦觉新鲜，有渗出淡淡鲜味！