鮮‧港式串燒吧 (已搬遷) 新店位置

上星期放工同个中同去咗呢间串烧店食野，𠮶日星期四大约7点半，我地2个人唔使等位就入到去。店员仲安排咗我地坐入半开放既房仔，等我地可以尽情讲是非😂😂打开menu都几多野食，海鲜肉菜都得烧。如果唔想净系食串烧咁热气，呢到都有d小食可以拣。墨汁墨鱼肠（$15），上菜𠮶下我同朋友都呆咗，咁细条用咁大只碟😂😂 不过我想讲！好好味！味道有少少似台湾香肠，不过多咗少少墨汁香味。十分推介！食到最后已经好饱都Encore咗一条。烧贵妃蚌（$68），个汁几香，只贵妃蚌都新鲜，算系几抵食。烧大蚬（$55），黎到热辣辣，配个点咩都无敌嘅生虾汁🤷🏻‍♀️🤷🏻‍♀️。烧即开生蚝（$45），本人唔食蚝🙈 引述朋友意见，几新鲜唔腥，都可以一试。烧油甘鱼鲛（$88），比我想象之中大份，抵食之选～烟肉芝士大蘑菇（$38），菇有菇味，菇水是精髓，超甜！蒜辣焗金菇（$25），一秒回到中学BBQ嘅感觉，加咗少少辣椒更加开胃。最后埋单600几蚊，不过我地2个都叫咗几多海鲜，而且饱到d野食上到个鼻到。