炎鳥羽

营业中

休息中

出开尖沙咀见客，见完一个人去揾食，厚福街咁多食肆，去果度揾一定有斩获，结果去左一间上楼日式居酒屋餐厅炎鸟羽度食。我去的时间比较早，所以好好彩仲有位，我见都好多OL放lunch去食，佢地都有订枱的，所以如果下次再去都系卜定位比较稳阵！餐厅都系日式好warm的装修，坐得都舒服，又宁静。一坐下店员就为我端上热茶了。餐厅的lunch set有好多款选择，我选择了天妇罗稻庭乌冬，另用$20加了三个串烧，好抵食，餐厅lunch set无加一㗎！店员首上奉上沙律和前菜，两样都好味，前菜系茄子。一路食一路等师傅即叫即整主菜，热辣辣又新鲜。天妇罗有两只炸虾，另外南瓜、茄子、日本番薯各一，炸粉唔厚，好味呀！乌冬又够大碗，又弹牙，汤底味道都唔错，我雪雪声咁就食晒了！其实食完都好饱，不过望见眼前三个串烧烧得咁靓，又好味，我居然都食晒啦！好惊讶自己咁大食！串烧我点了牛肋肉、多春鱼、明太子鸡翼，样样都好味，特别系牛同鸡翼，不得不赞师傅手势好，三样都烧得刚刚好，所以非常香口之余，肉又唔会干身，值得下次再食。