影片
更多
2019-05-15
1388 浏览
其实经过呢间小店很多次，每次都停步细看佢贴喺店舖嘅食物相片，但碍于食店的座位和环境，总令我却步。今次终于鼓起勇气喺凌晨时分去试吓呢间静观已久的串烧店。虽然已经夜深，但是小店嘅生意却越夜越精彩，可能呢区嘅老饕都系呢个时候出嚟觅食吧！我点咗好多款串烧，其实呢间串烧店吸引之处系无论食物的款式、种类，甚至饮品的选择都很多，令人目不遐给。所以有选择困难症嘅朋友都几头痕。当中一份三只嘅烧鸡中翼用上孜然粉烧，极之惹味，皮脆肉滑。烟肉肠仔卷及烟肉露笋卷，简直系我嘅挚爱，可能我特别钟意食加工肉卦，一串十五蚊！盐烧鲭鱼的质素与日本料理无乜分别，加埋柠檬汁食，更加将鱼嘅鲜味提升，少咗份油腻的感觉。如果一条鲭鱼份量太多的话，可以选择叫半份，留返个胃试其他特色小吃。呢串烧鱿鱼干的食味同时兴隆嘅金龟唛鱿鱼丝无乜分别，大家在此怀愐“昨天、今天、明天”吧！食完一轮肉后，总要回一回气，烧韮菜和烧菠萝可以中和油腻感。同时，带你嘅味蕾去到另一个层次。我仲想介绍埋烧鸡皮俾大家，师傅已经将鸡皮的油份烧干，所以吃时很爽脆。简直系不可多得的小食，记得要试呀！天时暑热通街食串烧，当然要叫返杯冰冻嘅饮品。由于我唔饮啤酒嘅关系，喺一般串
虽然已经夜深，但是小店嘅生意却越夜越精彩，可能呢区嘅老饕都系呢个时候出嚟觅食吧！
我点咗好多款串烧，其实呢间串烧店吸引之处系无论食物的款式、种类，甚至饮品的选择都很多，令人目不遐给。所以有选择困难症嘅朋友都几头痕。
当中一份三只嘅烧鸡中翼用上孜然粉烧，极之惹味，皮脆肉滑。烟肉肠仔卷及烟肉露笋卷，简直系我嘅挚爱，可能我特别钟意食加工肉卦，一串十五蚊！
盐烧鲭鱼的质素与日本料理无乜分别，加埋柠檬汁食，更加将鱼嘅鲜味提升，少咗份油腻的感觉。如果一条鲭鱼份量太多的话，可以选择叫半份，留返个胃试其他特色小吃。
呢串烧鱿鱼干的食味同时兴隆嘅金龟唛鱿鱼丝无乜分别，大家在此怀愐“昨天、今天、明天”吧！
食完一轮肉后，总要回一回气，烧韮菜和烧菠萝可以中和油腻感。同时，带你嘅味蕾去到另一个层次。我仲想介绍埋烧鸡皮俾大家，师傅已经将鸡皮的油份烧干，所以吃时很爽脆。简直系不可多得的小食，记得要试呀！
天时暑热通街食串烧，当然要叫返杯冰冻嘅饮品。由于我唔饮啤酒嘅关系，喺一般串烧店我只可以叫汽水、包装柠檬茶呢类饮品。呢度却有无限的惊喜，竟然有水果系沙冰，有西瓜、香蕉、益力多、奇异果、芒果及椰汁。这正是我要一试此店的最大原因。
西瓜沙冰十分消暑解渴，西瓜味浓，配上串烧一起进食，异常夹配。
香蕉沙冰相对罕有，味道极出色，蕉味很突出，饮落似奶昔般幼滑，与之前𠮶杯嘅口感截然不同。
我终于明白呢度点解越夜越精彩！因为入夜后，这里的确很宁静，辛劳咗一整天，总希望拣个地方坐下，悠闲咁食吓小食，三五知己把酒谈天，的确系舒压的好方法！
张贴
