影片
电话号码
92323609
营业时间
今日营业
19:00 - 03:00
星期一至日
19:00 - 03:00
以上资料只供参考，请与餐厅确认详情
今日想食串燒，叫了foodpanda外賣，下單選了食物如下蜜糖燒鷄脾 ＄30燒鷄脾賣相超吸引，蜜糖汁塗上鷄脾外皮，超级惹味，而且燒得鷄脾外脆內嫩，真係超级推介鷄軟骨串 $16咬下去爽脆嚼勁，味道和口感幾好，配可樂或啤酒一流鷄腎串$19燒得十分彈牙可口，食一串真不夠喉蜜糖台灣腸$14皮脆肉香，蜜糖令香甜味更加突出
继续阅读
係香港食串燒真係唔平，呢間係我暫時食過最抵，而家質素又唔差嘅串燒店，價錢親民叫都叫得豪爽啲，唔駛就住就住🥰🥰🥰🥰🥰所有野大致上都滿意，雞泡魚干同墨魚咀份量超多，但墨魚咀炸粉偏厚，同埋佢係跟沙律醬，唔係太夾雞泡魚干嘅味道，好彩屋企有蛋黃醬😬😬共餘食物都係正常發揮👍👍👍係滿意嘅～～雞皮夠脆～茄子叫咗辣味，但個粉落得唔平均，有啲位好辣，有啲又唔辣，可以再改善少少🙈多春魚都係必食$30六條好抵，係出面食要$10條🤦🏻♀️牛舌又係勁抵食👍👍👍
继续阅读
住左喺慈雲山咁多年，有唔少嘅宵夜鋪，不過兩三串唯獨係我嘅最愛。佢哋嘅串燒種類好多，仲有炸物同解渴嘅鮮果沙冰，而且價錢又唔貴，非常之抵食。除咗串燒嘅種類好多之外，佢哋自家製嘅醬汁配搭唔同種類嘅串燒亦都非常出色。重點推介佢哋嘅燒牛舌同燒雞皮，牛舌燒到外面脆脆地，但入邊依然非常多汁，有啖啖的牛油香，而燒雞皮就非常脆，小小油膩感都冇，同出邊嘅日式燒雞皮唔同，唔需要點醬汁，少少椒鹽就好似食緊零食禁。而佢哋亦都有唔同嘅燒海鮮，價錢唔貴之餘，亦都好大隻，絕對值得一試。
继续阅读
其實經過呢間小店很多次，每次都停步细看佢貼喺店舖嘅食物相片，但礙於食店的座位和環境，總令我卻步。今次终於鼓起勇氣喺凌晨時分去試吓呢間靜觀已久的串燒店。雖然已經夜深，但是小店嘅生意卻越夜越精彩，可能呢區嘅老饕都係呢個時候出嚟覓食吧！我點咗好多款串燒，其實呢間串燒店吸引之處係無論食物的款式、種類，甚至飲品的選擇都很多，令人目不遐给。所以有選擇困難症嘅朋友都幾頭痕。當中一份三隻嘅燒雞中翼用上孜然粉燒，極之惹味，皮脆肉滑。烟肉腸仔卷及烟肉露筍卷，簡直係我嘅摯愛，可能我特别鍾意食加工肉卦，一串十五蚊！鹽燒鯖魚的質素與日本料理無乜分别，加埋檸檬汁食，更加將魚嘅鮮味提升，少咗份油膩的感覺。如果一條鯖魚份量太多的話，可以選擇叫半份，留返個胃試其他特色小吃。呢串燒魷魚乾的食味同時興隆嘅金龜嘜魷魚絲無乜分别，大家在此懷愐“昨天、今天、明天”吧！食完一輪肉後，總要回一回氣，燒韮菜和燒菠蘿可以中和油膩感。同時，帶你嘅味蕾去到另一個層次。我仲想介绍埋燒雞皮俾大家，師傅已經將雞皮的油份燒乾，所以吃時很爽脆。簡直係不可多得的小食，記得要試呀！天時暑熱通街食串燒，當然要叫返杯冰凍嘅飲品。由於我唔飲啤酒嘅關係，喺一般串燒店我只可以叫汽水、包裝檸檬茶呢類飲品。呢度卻有無限的驚喜，竟然有水果系沙冰，有西瓜、香蕉、益力多、奇異果、芒果及椰汁。這正是我要一試此店的最大原因。西瓜沙冰十分消暑解渴，西瓜味濃，配上串燒一起進食，異常夾配。香蕉沙冰相對罕有，味道極出色，蕉味很突出，飲落似奶昔般幼滑，與之前嗰杯嘅口感截然不同。我终於明白呢度點解越夜越精彩！因為入夜後，這裡的確很寧靜，辛勞咗一整天，總希望揀個地方坐下，悠閒咁食吓小食，三五知己把酒談天，的確係舒壓的好方法！
继续阅读
老實講 我個人都幾鐘意食串燒既 最好就加埋啤酒啦。大口食肉 大口飲酒 人生最痛快xd呢間串燒店比到呢個口味我 老實講佢既野食 一向都好有水準好好味 推薦比大家既野食係燒鯖魚同豬扒包呢2樣既都有共同點 就係好有口感同夠juice 岩我呢d鍾意大口食 大口飲既人
继续阅读
您可能会有兴趣的...