燒鳥亭 (已結業)

星期六，约朋友到天后揾串烧食，行咗几家串烧餐厅，都系依间比较吸引我，门口好有日本旧式居酒屋Feel。晚饭时间店内都比较多人。前菜有蟹膏蟹肉沙律蟹膏蟹肉沙律：蟹膏好香好浓口，加上蟹肉同西生菜一齐食又香又爽口。串烧首先先叫咗两件羊扒，外面烧得香脆，咬落去好多肉汁，口感味度一流。厚切牛舌，虽然厚但一啲都唔硬，弹牙软熟好有咬口，加上又肉汁浓口。淮山就第一次食到，一直以为淮山只系用嚟煲汤，估唔到用嚟做串烧系咁好食，淮山口感滑又脆，又加上少量黑椒带出些少辣味，好特别。秋葵豚肉卷，之前系其他串烧店未食过，梗系Order埋佢。外面猪肉烧得好香口，猪肉紧紧包住秋葵，肉汁令秋葵唔会烧到干身，保持秋葵独特滑溜口味。翠肉瓜，炒就食得多，做串烧意想不到汁液丰富，一啲都唔干身。带子鸡翼，手工制作，将鸡翼去骨，再将带子酿入去，一口咬入去首先食到鸡翼嘅香脆，然后充满鸡汁同鲜味嘅带子再令味道更加提升。日本黑豚肉，洋葱带一点香，肉质鲜嫩入口即溶，好啱送白饭一齐食。食串烧就一定要送啲酒类，Sapporo生啤易入口，麦味唔太浓，唔怕会影响到食物味道。人均消费300蚊左右。