明道

营业中

休息中

最近同朋友探索铜锣湾美食，发现亨利中心开咗间新餐厅，主打日本火锅同各式新鲜料理。我哋就book枱放工去试吓，餐厅环境好光猛座位舒服，都好啱同朋友聚会倾计。见好多客人都有点佢地嘅锅物，我地都点咗飞驒牛A4 肩胛肉嘅鲜浓𫚭鱼汤锅。鱼汤好浓郁且鲜味，配上牛肉都唔会违和，煮嘅蔬菜都附有鱼鲜味，食落更甜。飞驒牛A4 肩胛肉油脂几香，但又未至于入口即溶个种，肉质仲有少少咬口，口感都系我地喜欢嘅。主食可以拣乌冬/粥，乌冬会先煮过所以我地摆入锅都好快就食得，仲吸晒鱼汤嘅精华。串烧都好出色，特别喜欢盐烧鸡心，烧得刚刚好再加入适量调味，咬落爆汁爽弹。汁烧免治鸡肉棒味道好香，鸡肉棒软中带软骨，食落夹杂脆脆口感，好过瘾。盐烧鸡皮香脆中保有鸡皮些微弹性，好适合送酒啊！最后再嚟多碟铁板豆腐，豆腐淋上肉碎同酱汁，有啲似担担风味，加上滑嫩嘅豆腐，味道平衡得嚟又惹味！饮品我地点咗清爽嘅巨峰梳打。点锅物会附送一款甜品，我地额外再点了一款。开心果雪糕奶滑有坚果香，咖啡味雪糕咖啡味都好出，咖啡控要一试。另外奶冻好滑溜，值得试。整体食物质素都高，不过位于铜锣湾难免价钱稍高。