大樹燒烤 (已結業)

今日同朋友经过尖沙咀， 见到社交平台有人推介呢间餐厅就谂住一齐试吓。 一入到去个环境好舒适，座位好阔落，仲播住一啲好悠闲嘅音乐， 非常适合一大班朋友聚会。 咁见到佢个餐牌有非常多嘅款式，一次根本冇可能试晒， 望落去有太多吸引嘅串烧同小食。想讲吓佢个炸烧卖， 个外皮非常之脆， 仲好惹味， 之前喺其他餐厅都试过炸烧卖， 但系好多都系得个脆字，食落冇咩味，而依个就唔同， 而且份量有好多，但系全部食完都唔会腻。另外佢啲串烧嘅款式非常之多， 我哋叫佢每一款都非常好食，份量又大价钱适中，仲可以根据自己口味拣小辣中辣或者大辣，而且仲有个炉帮你将啲串烧保持一定温度，摆得耐都唔会冻晒，特别想讲吓佢个渣男五花肉， 非常之有惊喜，唔会太肥，肥同瘦嘅比例完美， 食完忍唔住，我同朋友每人叫多三串， 不过唔系净系个渣男五花肉吸引到我，其他串烧都非常之好食！