串酒里 (已結業)

地址喺汉国中心对面，山林道小巷入面，环境都有少少隐蔽， 但好处就系人少少，更舒服恬静，仲有露天座位，适合同朋友慢慢食串烧，慢慢饮酒chill一chill。呢度嘅串烧引入左火山石烧技术，更能锁住肉汁，令食物外脆内软。🥢脆烧日本原条鳗鱼烧得刚刚好，非常嫩滑,加埋烧汁，甜甜地，又无骨，容易食，好味。🥢辣味剁椒烧扇贝一碟有3件，嗜辣者必食！剁椒又辣又香！🥢川式脆烧鸡软骨脆卜卜，好咬口，送酒一流。🥢川式麻辣香烧饺子鸡翼麻辣汁够惹味！饺子鸡翼去晒骨，啖啖肉，正！🍺饮品方面，除咗一般嘅啤酒选择，特别在有手工啤！🍻餐厅名为“串酒里”，名符其实系：系隐世小巷里，叹串烧、饮啤酒。