樺得園 (已結業)

W burger结业在即，再约朋友encore此店，试吓其他汉堡包。上次试咗黯然销魂汉堡包，每一层都感受到店主嘅诚意。今次就试谷德昭导演推介嘅美国谷饲猪扒汉堡。相隔半个月， W Burger结业嘅消息已经多咗人知，所以今次平日放工过嚟要排队，18:45到，等左半个钟，19:15入坐。等候途中问店员拎左menu，一边等一边拣汉堡。讲番今次主角美国谷饲猪扒汉堡$78，加$28升级做套餐，跟餐有小食及饮品。小食拣左纽伦堡肠，饮品Coke Zero。首先，谷饲猪扒系整个汉堡嘅灵魂，大大块，有成cm咁厚，煎得刚刚好，外皮香脆，内层软腍而无筋，咬落去啖啖肉，好多肉汁。每一啖咬落去都可以一啖过，唔会连筋，所以唔会食到le gum hea另外，汉堡包麦香味丰富，质地柔软，咬落去会回弹，唔会一啖咬落去扁搭下去。朋友拣咗美国飞驒牛汉堡，佢都话好食。