沙嗲王 (已結業)

又出动揾食，无心插柳, 本来唔谂住去呢间，因为今日人多（5位）无位，所以行黎食左沙嗲王~首先有EVA主题，有啲EVA既特式套餐，但当然吸引唔到我，因为呢啲通常都伏多。。。好直接入主题先:咸蛋王鸡亦好食既，唔太咸，好香，鸡亦既肉都好厚，炸粉唔厚，好高分。白咖哩猪排饭食左咁多年，都保持到水准，系不二之选，有时会想食沙嗲王，都系明显因为佢。冬阴功海鲜乌冬试下样新野啦～又不能太闷既汤底可以，海鲜既份量抵赞，当然同专门食呢啲既仲有好大距离啦！铁板巨鸡髀我就第一次食，其实唔错，做到皮脆肉滑，件肉都算大件，有样都有内涵。炒生菜开始求其喇，可能睇到开始多人，厨房冧档挂😂好细碟，好多油，不过唔系老婆要食，点都唔会叫🤣芝士年糕戏肉黎喇，等左好耐，我谂佢炸到唔记得左，黑哂。。。仲闻到㶶味。。。由于等得太耐都饱左，跟手叫侍应帮我收左佢，食唔到，改返单。