勝利牛丸

营业中

休息中

睇完媒体介绍，特登同女友嚟试下。女友食过好多次，介绍我食丸根河扣底，扣底唔会令面底死实实，仲索到更多汤。牛丸系招牌菜当然好食，咬讲去弹牙得好自然，好爽脆，牛肉味好鲜甜，唔系火窝店𠮶啲可以比。牛筋好有咬口，好弹牙，好重胶质。食完准备离开时，发现好多人叫“胜利西多士”，好奇之下望下餐牌。材料有火腿，芝士，三夹底。三夹底呢个名词引起咗我注意。唔好执输，我地都叫返份试下。到手发现原来系三层，夹咗芝士同火腿，炸到面好香脆。因为厚咗，咬落更有满足感，因为有芝士火腿，配埋糖浆咸甜适中，好好味。