丹麥餅店 (已結業)

行行下尖咀突然想食鸡髀，马上到丹麦食炸髀。附近其实有另一间都系食鸡髀的，但因为丹麦老字号，所以一战。放低银两，过左3-4分钟就有得食。外皮呈现金黄色，咬落好脆，但系咸到妈妈声，不过本人饮食一向健康为先，食髀习惯咬走块皮，而幸好大部份咸味只停留在外层，不但对啲肉影响不大，反而味道岩岩好，难道块皮系用黎吊味，预左唔食？鸡髀肉质在肉厚部位尤其嫩滑，整体尚算嫩滑，咬落多汁，极之入味，食完齿颊留香。本人不善影相，但近来技术有所进步，影到景深，放埋响到，画龙点睛，多谢！