丹麥餅店 (已結業)

不甜不鞋不苦一杯奶茶要本人用正價買並不是一件易事這杯茶12$魚蛋8 粒十二元也不是易賺我的尖沙咀的丹麥明天結束非常非常失落焦躁一杯熱茶我一定會濺出水花點點但丹麥杯茶粗魯的本人就算濺了⋯⋯也是滿滿的一分錢一分貨絕少騙倒在下魚蛋在厚福街一帶並非最平但丹麥的有魚味奶茶我買到了快速全速回家因為要熱靚女店家說找不到合理租金鋪面也許會去黃埔我會讚揚他們厚道的快餐廳充滿活力驚喜不是我一個說好仲可以肥成村人不捨得又不捨不得⋯⋯

尖沙咀丹麥餅店原來做到今個月三十號就暫時結業，反正咁近番工，於是放工就去會一會佢，唔係等佢遲下都唔知幾時先開番。除左雞脾就係食熱狗，而家做緊結業特價，有啲都減左價平左抵食左。見到一路等都有好多人叫，好似魚柳包呀熱狗呀果啲好多人拎走。既然平左就叫《雙腸芝士》($17)，即叫即整拎上手熱辣辣，個包軟熟同好多自家調製沙律醬，雖然唔夠銅鑼灣開得耐，但其實都係食份情懷。店名：丹麥餅店地址：尖沙咀厚福街7A號C舖餐牌:

中學時，一星期總會到丹麥一，兩次，那種港式漢堡包，吃不厭的熱狗，就係我哋一班放學醫肚嘅最佳食品每次放學時段，小店都會擠滿學生，好不熱鬧。現在工作關係，在尖沙咀路經，竟然見到丹麥餅店在此開分店，急不及待買了一隻芝士熱狗，等了幾分鐘，熱烘烘的熱狗送到我手上，立即咬一口，那些年的回憶一起湧上來。熱狗依然美味，回憶總是美好

丹麥餅店的港式熱狗，以前在銅鑼灣經過都會幫櫬，不知何時在尖沙咀厚福街也開了一間，那滋味立即在腦內迴旋，一於買來回味一下先😎丹麥餅店買的都是港式地道食品，熱狗、豬扒包、魚柳包、漢堡包、炸雞脾而且有多款套餐任君選擇當然散買也可以價錢一目了然十分方便膠袋還是老樣子，一看就知道是丹麥餅店港式熱狗 (雙腸) 麵包十分鬆軟而且切開之後把麵包烤過，有小小香脆加上香腸的鹹香和醬汁配合一起，味道十分出色還是老樣子味道依然令人回味。

香港人越來越要求高，丹麥呢D小食店你話香港仲有多少？食物又平，不大力幫親不突只，仲下下話人地黑面，你地去做下啦. 3間丹麥我都食過，人手不足係睇到架，但食物質素高，咁平仲想㸃，出面是但一個漢堡包都過百啦，咁高去酒店食麻.

幫襯咗銅鑼灣嗰間丹麥都十幾年喇，今日經過尖沙咀見到佢有分店開左喺條冷巷度，二話不說幫襯下先，過嚟呢邊比較番。喺嗌野既時候嗰個中年店員已經預先請左我食個西面，我係太耐無食唔知訂就咁嗌熱狗，但都唔洗西住面加唔耐煩咁問我單腸定雙腸掛，嫌我要你發嗰五個音阻到你陽壽你咪咪七做囉，回完佢雙腸之後兩秒見到個menu可以加芝士，明明想加都唔敢嗌 lu 。個包同腸質素都keep到嘅，不過嗰pat醬，唔知邊位聰明醒目嘅大哥竟然落咗喺個包嘅尾部，食完大半個包先至食到啲醬，跟住啲醬就成個紙袋都係啦，其實啲醬如果真係只可以落到半個包嘅話，大可以落喺頭半個包丫，食吓食吓就會唧咗落去㗎喇。見到呢張 since 1972 既旗仔，俾咁樣待客態度既人揸，不禁為銅鑼灣老店嗰位老伯伯希噓。猶記得同係賣包既連鎖餐牌上，都曾經出現過一句笑容免費丫。

其實我細時經常食銅鑼灣丹麥,以家知道尖沙咀開咗重做埋早餐就實去幫襯下啦,点知係超級受氣囉!之前有位伯伯賣嘢係就係慢D不過佢好好笑容架,点知以家換咗個可能係店主個女掛 or 店主二代啦,見到佢黑口黑面,真係唸起都嬲吖!!!事源之前我去買早餐要腸粉+４粒燒賣多豉油淨甜醬,個女的一直問我要唔要餐?我話唔要(ps:因為餐係包飲品,所以我唔須要,同埋我從冇留意個套餐個張紙貼係邊到?)結果我返到公司打開後裹徐辣醬外咩醬都有+8粒燒賣.本人係唔食麻醬的結果整份早餐俾咗同事食.到今日我又去買早餐要腸粉+４粒燒賣多豉油淨甜醬,個女的又一直問我要唔要餐(只有我一個客)又話冇４粒燒賣賣,如果要４粒燒賣就要餐啦20蚊啫包飲品.我今次見到張套餐紙咁我就話好啦之後再問我飲乜?熱飲加幾錢凍飲加幾錢.我話跟可樂可以了(因餐是包汽水的)買完後行開咗10步,我打開望下又落咗麻醬咁跟住更係返轉頭換啦,個女嘅已經黑面中又話我要早d講,我話之前已講只不過你只係關心要唔要餐,同理上一次又是落咗麻醬,我係唔食麻醬架.個女嘅黑面同我講換返俾我.其實如果當時有客等買早餐我都唔怪佢,之不過當時只有我1個,做生意做到咁不如唔做啦!重有個客

讀大學時已經常光顧銅鑼灣的丹麥，佢既魚柳包、炸脾、炸薯條都非常好食！到尖沙咀開分店我都有繼續支持！但今次真係好可惜，食物質素已經下降了⋯⋯因為在附近返工，星期六下午難得有空閒就跟同事們齊齊去買外賣, 點了炸脾、炸薯條、炸香蕉!炸脾: KEEP唔到水準了! 炸得太乾身, 味道偏咸...炸薯條: 呢個就還好, 粗薯條炸得不錯, 但忘記給茄汁......炸香蕉: 呢個差到食唔落, 以前買係即整即炸, 外脆內軟又香香蕉味, 今次明顯係翻炸再翻炸!!! 只得油膉味...T_T 炸粉多到爆, 無香蕉味, 好差呢...希望丹麥可以改善下...... 

行行下尖咀突然想食雞髀，馬上到丹麥食炸髀。附近其實有另一間都係食雞髀的，但因為丹麥老字號，所以一戰。放低銀兩，過左3-4分鐘就有得食。外皮呈現金黃色，咬落好脆，但係鹹到媽媽聲，不過本人飲食一向健康為先，食髀習慣咬走塊皮，而幸好大部份鹹味只停留在外層，不但對啲肉影響不大，反而味道岩岩好，難道塊皮係用黎吊味，預左唔食？雞髀肉質在肉厚部位尤其嫩滑，整體尚算嫩滑，咬落多汁，極之入味，食完齒頰留香。本人不善影相，但近來技術有所進步，影到景深，放埋响到，畫龍點睛，多謝！

Usually I'm a fan of greasy takeout. But this one goes over the top. Not only is it super greasy, but there's an underlying sweetness to all of their food. I had the burger and fish fillet. Both were utterly disgusting...greasy and sweet. Honestly, the beef patty does not taste like beef at all. The texture is loose and mushy. I'm not even sure if it's real meat. I fed it to my dog and he didn't even want to touch it. The fish filet resembled something that I would use to wipe my ass...dry! I no

突然想食炸脾，行去“丹麥餅店”度，結果忍唔住要咗套餐，貪佢有薯條、汽水。其實等咗唔使3分鐘就有，肯定唔係生炸。我同店方講要影相，佢比我放响枱擺完位影咗，仲幫我pack番嘢。炸雞脾燙口，外皮脆，啲肉唔算好滑但幾多汁，撒咗幼鹽食落鹹香好味。炸薯條係粗嘅曲曲，好粉但薯味普通。不過兩樣啲鹽都落得多咗啲，可以輕手少少。

早已聽過朋友說過銅鑼灣丹麥餅店的熱狗及豬扒包味道一流，但一直未有機會一試，這次在尖咀吃過晚飯後，於後巷內發現到丹麥餅店的分店，雖然有點飽意，但還是想買個回家一試小店主要以包類為主，還有少量小吃、三文治及魚蛋燒賣等豬扒包 $21［評分：8/10］豬扒包即叫即製，大概等了5分鐘才製作好，麵包不是採用脆豬仔包，而是比較普通的軟身包，豬扒不算大件，底面分別加入了茄汁及沙律醬。麵包味道頗香，入口鬆軟，而豬扒也醃得相當入味呢～有口感之餘又不會太硬，邊位還帶點微脆～配上兩款醬汁增添了濕潤感之餘又能作提味之用，味道不錯呢～難怪銅鑼灣舊店如此著名～丹麥餅店 (尖沙咀)尖沙咀厚福街7A號C舖～～～～～～～～～～～～～總消費：$ 21味道：8/10環境：6/10服務：7/10衛生 : 6/10抵食 : 6/10

又是到厚福街掃小食之時候，丹麥餅店好吃很多人都知，見其門面有不少名星相片也略知一二。其獨家秘制美味沙律醬汁配上雙腸熱狗腸，再肚飽也想吃。每一面包都經焗過，微焦脆口，外脆內軟的面包，很香很鬆，非一般茶餐廳能吃到。記得要叫雙腸，啖啖肉才可吃出其美味。其紙袋亦特意製作，不易漏汁。等候期間，有不少人叫炸雞脾，火山漢堡，也有不少炸物。即製漢堡肉汁多又濃郁，吃過紅磡時新漢堡，也不妨來此試試。

本身不為然他是禮頓道丹麥的分店。只知我好想食雞亦熱狗，朋友又極力推薦，所以專程駕車吃個早餐。價錢一樣，份量亦一樣，惟食物不太一樣。以為早起的鳥兒有蟲吃，唔知係咪太早起，食物質素差咁遠：雞中亦炸得剛好，不錯。但鹹香不均勻，一隻雞不同部分有咸亦有淡。港式熱狗腸口感不錯，可惜祕製蛋黃醬少得很，見冇乜醬，店員又cool cool 地，咪自己亂加茄汁當蛋黃醬算。其實我買既時候一個人都冇，但飽及腸賣相凌亂似趕時間，要自己攞出黎執執佢再食。其實我買既時候一個人都冇，可能早上人會比較呆呆滯滯，而且又要趕收拾店鋪準備開工，所以食物及服務質素有少許失誤。又或可能這是一些老舖獨有的態度及文化。

上次去厚福街找吃時，無意間讓我看到丹麥餅店在這裡設了分店，於是趁今天來吃 Waffle，再來這裡吃個熱狗填飽肚子好了！小店真的很小，位於厚福街內一條小巷，門前放了一張摺枱及兩張摺櫈，勉強叫做堂食。所有食物及價錢都貼在小店牆上﹑門前易拉架﹑及櫃台前空位上。除了跟銅鑼灣總店一樣有炸雞髀﹑炸雞翼(全隻及雞中翼也有)﹑炸薯條﹑漢堡包(有分港式唔港式的)﹑豬扒包﹑魚柳包﹑熱狗外，這裡還有炸香蕉﹑燒賣﹑腸粉等，小食種類更多。亦有咖啡﹑奶茶供應，而且像士多那樣有汽水﹑凍飲櫃，整體格局跟總店真的不同。由於我們已在窩夫店喝了熱檸蜜及薄荷紅茶，一肚水，所以在這裡只點吃的，朋友點了豬扒包($17)，我則點了雙腸熱狗加芝士($18)，在等食期間，看見老闆還設計了火山漢堡，除了有洋葱﹑漢堡扒外，還有指天椒，感覺很辣呢！等了5分鐘左右，豬扒包來了，麵包像極大一點的甜餐包(西餐伴餐湯那種)，內裡夾著的炸豬扒薄薄的，並有此店名醬自家調既蛋黃醬，朋友說好有懷舊小吃的感覺(泳池小食檔那種)，味道很不錯。我的雙腸熱狗加芝士也來了，滿滿的醬汁向外流出，雙腸也夾不穩，有點狼狽。大啖咬落去，麵包﹑腸仔﹑熱狗醬既味道很夾，好味到不